বৰ্তমান সময়ত ওজন কমোৱাটো কিছুমান মানুহৰ বাবে কোনো প্ৰত্যাহ্বানতকৈ কম নহয় ৷ ওজন বৃদ্ধিৰ সাধাৰণ কাৰণ হ’ল দুৰ্বল জীৱনশৈলী আৰু অনিয়মিত খাদ্যাভ্যাস ৷ দৈনন্দিন জীৱনত স্বাস্থ্যসন্মত আহাৰ অন্তৰ্ভুক্ত কৰি সহজেই ওজন কমাব পাৰি ৷ ইয়াৰ বাবে আপুনি আপোনাৰ সাধাৰণ আটাক মাল্টিগ্ৰেইন কৰি খাব পাৰে ৷ এই বহু শস্যযুক্ত আটা তৈয়াৰ কৰাৰ ৰেচিপি আৰু ইয়াৰ উপকাৰিতাৰ বিষয়ে খাদ্য বিশেষজ্ঞ অৰ্জু ছেঠীৰ পৰা আজি জানি লও আহক-
মাল্টিগ্ৰেইন আটা কেনেকৈ বনাব ?
- মাল্টিগ্ৰেইন আটা বনাবলৈ কিছুমান উপাদান ল’ব লাগিব ৷
- ইয়াৰ বাবে একাপ ঘেঁহুৰ আটা আৰু এচামুচ জোৱাৰ আটা ল’ব লাগিব ৷
- ইয়াৰ পিচত এচামুচ অটছৰ আটা, এচামুচ ৰাগী আৰু এচামুচ বেচন লওক ৷
- ভালদৰে মিহলাই বায়ু সোমাব নোৱাৰা পাত্ৰত বন্ধ কৰি ৰাখিব ৷
- ইয়াক আপুনি এই আটাক সাধাৰণ আটাৰ দৰে মঠি ৰুটি তৈয়াৰ কৰিব পাৰে ৷
ওজন কমাবলৈ ই কেনেদৰে উপকাৰী ?
এই সন্দৰ্ভত অধিক তথ্য দিলে Eccentric Diet ৰ ডায়েটিচিয়ান শিৱলী গুপ্তাই ৷ তেওঁ কয় যে এই আটা ওজন কমাবলৈ কোনো ঔষধতকৈ কম নহয় ৷ আচলতে ইয়াত ভাল পৰিমাণৰ আঁহ পোৱা যায় ৷ যাৰ ফলত আপুনি ইয়াৰ দ্বাৰা দীৰ্ঘসময়লৈকে পেটতো ভৰি থকা যেন অনুভৱ কৰে আৰু অতিমাত্ৰা খাদ্য খোৱাৰ পৰা ৰক্ষা কৰে ৷ একে সময়তে ইয়াত পোৱা কাৰ্ববোৰে শৰীৰত শক্তি বজাই ৰখাৰ লগতে খাদ্যৰ লোভ হ্ৰাস কৰাত সহায়ক বুলি প্ৰমাণিত হয় ৷
মাল্টিগ্ৰেইন আটা খোৱাৰ উপকাৰিতা
- মাল্টিগ্ৰেইন আটা স্বাস্থ্যৰ বাবে বহু দিশত উপকাৰী ৷
- এই আটা খালে আপোনাৰ বিপাকীয় ক্ৰিয়া ক্ষীপ্ৰ হয়, যিয়ে সহজে ওজন হ্ৰাস কৰাত সহায় কৰে ৷
- এই আটা খালে হাঁড় মজবুত হয় আৰু গাঁঠিৰ বিষৰ পৰাও সকাহ পোৱা যায় ৷
- এই আটা খালে শৰীৰত পৰ্যাপ্ত শক্তি পোৱা যায় ৷
- এই আটা খালে ৰক্তশৰ্কৰাৰ মাত্ৰা নিয়ন্ত্ৰণত থাকে ৷
- এই আটা খালে মানসিক স্বাস্থ্যৰ ওপৰত ভাল প্ৰভাৱ পৰে ৷
লগতে পঢ়ক: বাৰুকৈয়ে ছাতু আমাৰ শৰীৰৰ বাবে লাগতিয়াল নে ? কি কয় বিশেষজ্ঞই
