চিটাৰা ডেস্ক, 29 মাৰ্চ : টলীউডৰ প্ৰখ্যাত অভিনেতা আল্লু অৰ্জুনে বৃহস্পতিবাৰে দুবাইৰ মাডাম টুছ্য’ মিউজিয়ামত নিজৰ মমৰ মূৰ্তি উন্মোচন কৰি অভিভূত হৈ পৰিছে । ৪১ বছৰীয়া অভিনেতাগৰাকীয়ে নিজৰ ছ’চিয়েল মিডিয়া হেণ্ডেলত মূৰ্তিটোৰ কাষত থিয় হৈ থকা এখন ছবি শ্বেয়াৰ কৰিছে । প্ৰতিমূৰ্তি উন্মোচনী অনুষ্ঠানত তেওঁৰ লগত পত্নী আৰু কন্যাও আছিল ৷ অভিনেতা-পিতৃক আইকনিক পুষ্পা ভংগীৰে আচৰিত কৰি তোলে আল্লু কন্যা আৰহাই ।
দুবাইৰ মাডাম টুছ্য’ মিউজিয়ামত তেওঁৰ মমৰ মূৰ্তি উন্মোচনৰ আভাস শ্বেয়াৰ কৰিছে আল্লু অৰ্জুনে । ছ’চিয়েল মিডিয়াত এটা পোষ্টত অভিনেতাজনে হাস্যৰসেৰে তেওঁৰ পত্নী আল্লু স্নেহা ৰেড্ডীক সুধিছে যে তেওঁৰ দুটা সংস্কৰণ চম্ভালিব পাৰিবনে ?
দুবাইৰ মাডাম টুছ্য’ মিউজিয়ামত তেওঁৰ মমৰ মূৰ্তি উন্মোচন কৰাৰ সময়তে জন্মদিনৰ আগতীয়া উপহাৰ লাভ কৰে আল্লু অৰ্জুনে । দুবাইত অনুষ্ঠিত এই অনুষ্ঠানৰ বাবে পৰিয়ালৰ সৈতে উপস্থিত হোৱা অভিনেতাজনে আনন্দৰে অনুষ্ঠানটোৰ আভাস ছ’চিয়েল মিডিয়াত শ্বেয়াৰ কৰে । এটা পোষ্টত তেওঁ চঞ্চলভাৱে পত্নী আল্লু স্নেহা ৰেড্ডীক সুধিছে যে তেওঁ "দুজন অৰ্জুন"ক চম্ভালিব পাৰিবনে ?
ইনষ্টাগ্ৰাম ষ্ট’ৰীত আল্লু অৰ্জুনে স্নেহাই তোলা এখন চেলফি ড্ৰপ কৰে । স্নেহাই কেমেৰাত সেই মুহূৰ্তটো বন্দী কৰাৰ সময়ত নিজৰ মমৰ প্ৰতিৰূপৰ কাষত গৌৰৱেৰে থিয় হৈ আছিল অভিনেতাগৰাকী । ছবিখন শ্বেয়াৰ কৰি এটা ইম’জী আল্লু অৰ্জুনে লিখিছে, "কিউটি ! আপুনি দুজন অৰ্জুনক চম্ভালিব পাৰিবনে ৷"
এই উন্মোচনী অনুষ্ঠানে আল্লু অৰ্জুনৰ ছবিজগতত 21 বছৰীয়া যাত্ৰাৰ কথাও সোঁৱৰায় ৷ 2003 চনত গংগোত্ৰী ছবিখনেৰে তেওঁ ছবিজগতত খোজ দিছিল ৷ আল্লুৱে ইনষ্টাগ্ৰামৰ জৰিয়তে কৃতজ্ঞতা প্ৰকাশ কৰে ৷
২০২৪ চনৰ ১৫ আগষ্টত মুক্তি পাবলগীয়া সুকুমাৰৰ নেতৃত্বত নিৰ্মিত ছিকুৱেল পুষ্পা ২: দ্য ৰুলত গেংষ্টাৰৰ চৰিত্ৰত পুনৰ অভিনয় কৰিবলৈ সাজু হৈছে আল্লু অৰ্জুন । ইয়াৰ উপৰিও তেওঁ পৰিচালক সন্দীপ ৰেড্ডী ভাংগাৰ সৈতে সহযোগিতা কৰি আন এটা প্ৰজেক্টৰ বাবে কাম কৰি আছে ৷ যিটো টি-ছিৰিজ ফিল্মছৰ অধীনত ভূষণ কুমাৰে প্ৰযোজনা কৰিছে ।
লগতে পঢ়ক : সপ্তম নতুন দিল্লী বোলছবি মহোৎসৱত ‘ফেঁহুজালি’লৈ শ্ৰেষ্ঠ চুটি তথ্যচিত্ৰৰ সন্মান - Fehujali Documentary
