নেশ্যনেল ডেস্ক, 17 মে’ : দিল্লী মহিলা আয়োগৰ প্ৰাক্তন অধ্যক্ষ তথা আম আদমি পাৰ্টিৰ ৰাজ্যসভাৰ সাংসদ স্বাতী মালিৱালৰ সৈতে সংঘটিত হোৱা ঘটনাৰ ভিডিঅ’ শুকুৰবাৰে পোহৰলৈ আহিছে ৷ 52 ছেকেণ্ডৰ এই ভিডিঅ’টোক লৈ দাবী কৰা হৈছে যে এইটো মুখ্যমন্ত্ৰীৰ ঘৰ ৷ ভিডিঅ’টোত মালিৱালে মুখ্যমন্ত্ৰীৰ বাসগৃহত নিৰাপত্তাৰক্ষীৰ সৈতে তৰ্ক কৰা দেখা গৈছে ৷
13 মে’ সোমবাৰে মালিৱালক মুখ্যমন্ত্ৰীৰ চৰকাৰী বাসগৃহত কেজৰিৱালৰ সহায়ক বিভৱ কুমাৰে আক্ৰমণ কৰাৰ অভিযোগ উত্থাপন হৈছিল ৷ দিল্লী আৰক্ষীয়ে বৃহস্পতিবাৰে এফ আই আৰ ৰুজু কৰি বিভৱক অভিযুক্ত কৰিছে ৷ ভিডিঅ’টো প্ৰকাশ পোৱাৰ পিচতে মালিৱালে এক্সত (টুইটাৰ) কাৰো নাম নোলোৱাকৈ এটা পোষ্টত কয়- “প্ৰতিবাৰৰ দৰে এইবাৰো এই ৰাজনৈতিক হিটমেনে নিজকে বচাবলৈ চেষ্টা আৰম্ভ কৰিছে ৷”
লগতে পঢ়ক : দিল্লী সুৰা কেলেংকাৰী: কেজৰিৱাল আৰু আপৰ বিৰুদ্ধে ইডিৰ অভিযোগনামা দাখিল - Delhi Liquor Scam
ভিডিঅ’টোত কি আছে:
কথিত ভিডিঅ’টোত মালিৱালে কোৱা শুনা যায় যে তেওঁ আৰক্ষীৰ নিয়ন্ত্ৰণ কক্ষলৈ ফোন কৰিছে আৰু আৰক্ষীৰ লোক আহি পোৱালৈকে অপেক্ষা কৰিব ৷ তেওঁ আৰু কয়- "মই গঞ্জা এৰি নাযাওঁ, মই সকলো ক'ম ৷ মোক ডি চি পিৰ লগত কথা পাতিব দিয়ক ৷" নিৰাপত্তাৰক্ষীক মালিৱালক স্পৰ্শ কৰিলে নিৰাপত্তাৰক্ষীক চাকৰিৰ পৰা বৰ্খাস্ত কৰিব বুলিও মালিৱালে সকীয়াই দিয়ে ৷
ভিডিঅ’টো প্ৰকাশ পোৱাৰ পিচতে মালিৱালে কয়:
শুকুৰবাৰে মালিৱালে ‘এক্স’ত এই সন্দৰ্ভত পোষ্ট কৰিছে ৷ ইয়াত তেওঁ লিখিছে- "প্ৰতিবাৰৰ দৰে এইবাৰো এই ৰাজনৈতিক হিটমেনে নিজকে বচাবলৈ চেষ্টা আৰম্ভ কৰিছে ৷ নিজৰ মানুহক কোনো প্ৰসংগ নোহোৱাকৈ টুইট আৰু ভিডিঅ' শ্বেয়াৰ কৰিবলৈ দি তেওঁ ভাবে যে তেওঁ এই অপৰাধ কৰি নিজকে বচাইছে ৷ কাৰোবাক প্ৰহাৰ কৰাৰ ভিডিঅ’ কোনে বনায় ? ঘৰৰ চিচিটিভি ফুটেজ পালেই সত্য সকলোৰে সন্মুখলৈ আহিব ৷ যিমান তললৈ নামিব লাগে নামি লওক, ভগৱানে সকলো দেখি আছে ৷ এদিন নহয় এদিন সকলোৰে সত্য পৃথিৱীৰ সন্মুখলৈ আহিব ৷"
লগতে পঢ়ক : মহিলা সাংসদক আক্ৰমণ; দিল্লী আৰক্ষীয়ে লিপিবদ্ধ কৰিলে স্বাতী মালিৱালৰ ভাষ্য - AAP MP Swati Maliwal
