بنگلورو: ہاکی کی دنیا میں بڑی چھلانگ لگانے والی نوجوان بھارتی مڈفیلڈر اپاسنا سنگھ نے منگل کو انکشاف کیا کہ وہ ہاکی سے پہلے کرکٹ کھیلتی تھیں اور اب وہ ہاکی اولمپکس میں ملک کے لیے تمغہ جیتنا چاہتی ہیں۔ اپاسنا نے کہا ’’میں ہمیشہ کھیلوں میں دلچسپی رکھتی تھی۔ میں نے کرکٹ سے شروعات کی تھی لیکن اپنے کوچ کے مشورے پر ہاکی کا رخ کیا۔ ان کا کہنا تھا کہ وہ نوجوانی میں ہاکی کھیلتے ہوئے انجری کا شکار ہو گئی تھیں جس کی وجہ سے وہ ہاکی کھیلنے کے لیے مزید مستعید ہو گئیں۔ اپاسنا نے صرف 11 سال کی عمر میں ہاکی کھیلنا شروع کی تھی۔ انہوں نے کہا کہ ہاکی کھیلتے ہوئے مجھے کئی بار چوٹیں آئیں اور میں نے ہمت نہیں ہاری اور عزم اور لگن سے ہاکی کھیلنے کا فیصلہ کیا۔ Whos is Hockey Player Upasana Singh
اپاسنا کے فیصلے کی اس کے والدین نے حمایت کی، لیکن ہاکی کھیلنے کے اس کے فیصلے پر اس کے پڑوسیوں نے سوال اٹھائے تھے۔ انہوں نے بتایا کہ جب میں نے ہاکی کھیلنا شروع کی تو ہمارے اردگرد کے لوگ خواتین کی ہاکی کے بارے میں نہیں جانتے تھے۔ آج صورتحال بالکل بدل چکی ہے۔ ہاکی ہماری ٹیم کی کارکردگی اور گزشتہ دہائی کے دوران ہماری کامیابیوں کی بدولت ایک مشہور کھیل بن گیا ہے۔ یہاں تک کہ میرے گھر والے بھی اب چاہتے ہیں کہ بیٹیاں ہاکی کی کھلاڑی بنیں۔
اپاسنا نےاپنے ہاکی کےسفر کو آگے بڑھانے کے لیے 2013 میں مدھیہ پردیش ہاکی اکیڈمی گئی اور اسی سال اپنے جونیئر قومی کیریئر کا آغاز کیا۔ انہوں نے اپنی ٹیم کو چاندی کا تمغہ جیتنے میں بھی مدد کی۔ اس کے بعد اپاسنا نے 2016 میں اپنے سینئر نیشنل میں ڈیبیو کیا اور ایک بار پھر چاندی کا تمغہ جیتنے والی ٹیم کا حصہ بن گئیں۔