ضلع پلوامہ کے پامپور میں واقع پتل باغ میں گیس لیکیج کے باعث آگ لگنے سے ایک جوڑا زخمی ہوگیا۔ دونوں کو شدید زخمی حالت میں سرینگر ہسپتال منتقل کیا گیا ہے۔
جوڑا زخمی
آتشزدگی میں اسد اللہ بھٹ اور ان کی اہلیہ روبینہ بانو زخمی ہوئے۔ دونوں کو خصوصی علاج کے لیے سرینگر کے ایس ایم ایچ ایس ہسپتال منتقل کیا گیا۔
عینی شاہد نے بتایا کہ گیس لیکج کے بعد ایک رہائشی مکان میں آگ لگی جس کی وجہ سے مکان مالک اور اس کی بیوی مکان کو بچانے کے دوران آگ کی زد میں آگئے، جس کی وجہ سے دونوں میاں بیوی زخمی ہوگئے۔
یہ بھی پڑھیں: پلوامہ: سی آر پی ایف کیمپ میں آتشزدگی
عہدیداروں نے بتایا کہ آتشزدگی میں اسد اللہ بھٹ اور ان کی اہلیہ روبینہ بانو دونوں زخمی ہوئے ہیں۔ انہوں نے مزید کہا کہ انہیں ایس ڈی ایچ پامپور منتقل کیا گیا جہاں سے انہیں خصوصی علاج کے لیے ایس ایم ایچ ایس ہسپتال سرینگر منتقل کیا گیا، جہاں ان دونوں کا علاج و معالجہ چل رہا ہے۔