ڈورنڈ کپ 2021 کے گروپ سی میں کھیلے گئے ایک اہم میچ میں انڈین نیوی کی فٹبال ٹیم نے دہلی ایف سی کو ایک دلچسپ اور سنسنی خیز مقابلے میں 2-1 سے شکست دے دی۔
مغربی بنگال کے دارالحکومت کولکاتا میں واقع موہن بگان گراؤنڈ میں ڈورنڈ کپ 2021 کے گروپ سی میں انڈین نیوی اور دہلی ایف سی کی ٹیمیں نبرد آزما ہوئیں۔
انڈین نیوی کی فٹبال ٹیم اور دہلی ایف سی کی ٹیموں کا گروپ سی میں یہ پہلا میچ تھا دونوں ٹیمیں جیت کے ارادے سے میدان میں اتریں تھیں۔
یہ بھی پڑھیں: ٹی ٹوئنٹی عالمی کپ کے لیے ٹیم انڈیا کا اعلان
دوسرے ہاف میں بھی انڈین نیوی اور دہلی ایف سی کے درمیان سنسنی خیز مقابلہ جاری رہا دونوں ٹیموں نے ایک دوسرے پر سبقت حاصل کرنے کے تابڑ توڑ حملے کیے۔
کھیل کے 86 ویں منٹ پر دلراج سنگھ نے جھناٹے دار شاٹ کی بدولت گیند کو جال میں پہنچا کر اپنی ٹیم انڈین نیوی کو 1-2 گول سے آگے کر دیا۔
کھیل کے اختتام تک اسٹار اور تجربہ کار کھلاڑیوں پر مشتمل دہلی ایف سی کی ٹیم اسکور برابر کرنے کی ہر ممکن کوشش کی مگر ناکام رہی۔ انڈین نیوی کی فٹبال ٹیم نے 1-2 سے میچ جیت کر ڈورنڈ کپ 2021 کے اگلے راؤنڈ میں رسائی کا امکان روشن کر لیا۔