Ganesh Nimajjanam at Saroor Nagar Lake : సరూర్​నగర్ చెరువు వద్ద నిమజ్జన కోలాహలం.. నెలకొన్న భక్తుల రద్దీ

Ganesh Nimajjanam at Saroor Nagar Lake :రాష్ట్రవ్యాప్తంగా గణేశ్​ నిమజ్జనాలు కన్నుల పండువగా జరుగుతున్నాయి. ఎక్కడ చూసినా తీన్మార్​ బ్యాండ్​, డీజే సౌండ్​లో.. భక్తుల నృత్యాలతో సందడి వాతావరణం కనబడుతోంది. రంగారెడ్డి జిల్లా సరూర్​నగర్​ చెరువు వద్ద నిమజ్జన కోలాహలం నెలకొంది. 

Ganesh Immersion 2023 in Rangareddy Dist : చుట్టుపక్కల నుంచి భారీగా తరలివస్తున్న భక్తులతో సరూర్​ నగర్​ మిని ట్యాంక్​బండ్​ రద్దీగా మారింది. సరూర్​నగర్ పరిధిలోని చెరువు వద్దకు వస్తున్న వినాయకులను క్రేన్లతో.. ఎప్పటికప్పుడు నిమజ్జనం చేస్తున్నారు. మరోవైపు నగరంలో ఓ పక్క వర్షం కురుస్తున్నప్పటికీ.. నిమజ్జన శోభ యాత్ర కొనసాగుతోంది. బషీర్​బాగ్​లో వర్షంలో కురుస్తున్నప్పటికీ నిమజ్జనం కోసం సాగర్​కు గణనాథులు తరలి వెళుతున్నాయి. శోభాయాత్రను చూడటానికి భక్తుల పెద్ద ఎత్తున తరలి వస్తున్నారు. వర్షం తాకిడికి ప్రజలు ప్రత్యామ్నాయ మార్గాలను చూసుకుంటున్నారు. ఏకధాటిగా వాన పడుతున్న ఉత్సాహంగా నిమజ్జనాన్ని కొనసాగిస్తున్నారు. విభిన్న రకాల వినాయకుల భక్తులకు విశేషంగా ఆకట్టుకున్నాయి.