వరంగల్ అర్బన్ జిల్లా హన్మకొండలో లాక్ డౌన్ (Lockdown) ప్రశాంతంగా కొనసాగుతోంది. ఉదయం పది గంటల నుంచి నగరంలోని రోడ్లన్నీ నిర్మానుష్యంగా మారాయి. జనసంచారం లేక రహదారులు వెలవెలబోయాయి. ప్రజలందరూ ఇళ్లకే పరిమితమయ్యారు. పోలీసులు లాక్ డౌన్ పట్ల కఠినంగా ఉండటంతో ప్రజలు ఎవరూ బయటకు రావడం లేదు. ఉదయం పది గంటల లోపే ప్రజలు బయటకు వచ్చి నిత్యావసర సరుకులను కొనుగోలు చేసుకుని వెళ్లారు.