Fire Accident In wine Shop In suryapet : వేసవి వచ్చిందంటే చాలు అగ్నిప్రమాదాలు భయపెడుతూ ఉంటాయి. చిన్న అగ్గిరవ్వ పెను ప్రమాదానికి దారి తీస్తుంది. సూర్యాపేట జిల్లా గరిడేపల్లి మండల కేంద్రంలోని నేరేడుచర్లలో అగ్ని ప్రమాదంలో వైన్ షాప్ దగ్దమైంది. వైన్ షాప్లో ఉన్న గ్యాస్ సిలిండర్ ఒక్కసారిగా పేలడంతో పెద్ద శబ్దం వచ్చి మంటలు చెలరేగాయి.నేరేడుచర్ల రహదారి పక్కన ఉన్న వ్యవసాయ వరి కొయ్యలకు గుర్తు తెలియని వ్యక్తులు నిప్పుపెట్టడంతో ఒక్కసారిగా గాలి దుమారం రావడంతో నిప్పు రవ్వలు చెలరేగి దగ్గర్లో ఉన్న ట్రాన్స్ఫార్మర్కు తగలడంతో పేలిందని స్థానికులు తెలిపారు. ట్రాన్స్ఫార్మర్ పేలడంతో మంటలు చెలరేగి పక్కనే ఉన్న వైన్ షాప్లోకి మంటలు వ్యాపించాయి. వైన్ షాప్లోని గ్యాస్ సిలిండర్ ఒక్కసారిగా పేలడంతో మంటలు చెలరేగి షాపు మొత్తం దగ్ధమైందని నిర్వాహకులు వెల్లడించారు. ఫైర్ ఇంజిన్కి ఫోన్ చేసిన స్పందించకపోవడంతో నష్టం భారీ ఎత్తున జరిగిందని వెల్లడించారు. దీనివలన సుమారు 30 లక్షల వరకు నష్టం జరిగిందని వైన్ యజమాని చెప్పారు.
