రాష్ట్రంలో రాగల మూడు రోజులు అక్కడక్కడ ఉరుములు, మెరుపులతో కూడిన వర్షాలు కురిసే అవకాశం ఉందని హైదరాబాద్ వాతావరణ కేంద్రం వెల్లడించింది. ఉత్తర బంగాళాఖాతం దాని చుట్టుపక్కల ప్రాంతాలలో ఉపరితల ఆవర్తనం ఏర్పడిందని... అది సముద్రమట్టానికి 1.5కిమీ నుంచి 5.8కిమీ ఎత్తు మధ్య కొనసాగుతూ... నైరుతి దిశకు వంపు తిరిగి ఉన్నట్లు ఐఎండీ పేర్కొంది.
ఈ ప్రభావంతో ఈ నెల 28వ తేదీన ఉత్తర బంగాళాఖాతం దాని పరిసర ప్రాంతాలలో అల్పపీడనం ఏర్పడే అవకాశాలు ఉన్నాయని వాతావరణ కేంద్రం అధికారులు వివరించారు. ఇటీవల కురిసిన వర్షాలకు రాష్ట్రం చిగురాకుల వణికింది. పలు చోట్లు వరదలు ముంచెత్తాయి. జిల్లాల్లో చాలా ప్రాంతాల్లో పంటలు నీట మునిగాయి. ప్రభుత్వమే తమను ఆదుకోవాలంటూ రైతులు వేడుకుంటున్నారు. చెరువులు, వాగులు మత్తడి పోసి... చూపరులను ఆకట్టుకుంటున్నాయి.