A Person Get Two Government Jobsin Nalgonda : సురేశ్ అనే యువకుడు నల్గొండ జిల్లాలోని వేములపల్లి మండలం మొల్కపట్నంగ్రామానికి చెందినవాడు. చిన్నప్పటి నుంచి చదవులో చురుకుగా ఉండేవాడు. ఎంసెట్లో మంచి ర్యాంక్ సాధించి ఇంజినీరింగ్ సాధించాడు. అనంతరం మంచి సాఫ్ట్ వేర్ కంపెనీలో ఉద్యోగం లభించినా.. తల్లిదండ్రుల కోరిక మేరకు ప్రభుత్వ ఉద్యోగమే లక్ష్యంగా అహర్నిశలు శ్రమించాడు. సురేశ్ రెండు కేంద్ర ప్రభుత్వ ఉద్యోగాలు సాధించగా.. అందులో ఒకటి రైల్వే ఉద్యోగం(Railway Job) కాగా మరోకటి ఇన్కమ్ట్యాక్స్ ఆఫీసర్. స్టాఫ్సెలక్షన్ కమిషన్లో 1190వ ర్యాంక్ సాధించడం తనకి ఎంతో సంతోషాన్ని కలిగించందని చెప్పాడు. అయితే ఈ కొలువు సాధించేందుకు నాలుగు సార్లు విఫలమైయ్యాడని తెలిపాడు. పట్టువిడవకుండా ప్రయత్నం చేయడం వల్లే విజయం సాధించానని చెబుతున్నాడు.
"ప్రతిసారి ఎగ్జామ్ ఫెయిల్ అయిపోయేవాడ్ని.. జాబ్ సాధించగలనా.. లేదా అని భయం వేసింది. 5వసారి మళ్లీ ప్రయత్నించాను. మంచి ర్యాంక్ వచ్చింది. ఇది ప్రిపేర్ అవుతున్న సమయంలోనే రైల్వే గ్రూప్-డి ఎగ్జామ్ అయింది. అది కాడా సాధించాను. ప్రస్తుతం గుంటూరు డివిజన్ వెనుకొండ సెక్షన్లో ఉద్యోగం చేస్తున్నాను. కష్టాలు వచ్చాయని ఆగిపోకండా.. ఎలాగైన చదవడం కొనసాగించండి. లక్ష్యానికి దారులు అవే కనిపిస్తాయి. అలా చదవడం వల్లే ఇప్పుడు నా తల్లిదండ్రుల నమ్మకాన్ని నిలబెట్టాను." - సురేశ్, రెండు కొలువుల విజేత
SI Hemalatha interview in Tealangana : 'నా విజయంలో కుటుంబంతో పాటు ఈనాడు పేపర్ కీలకంగా నిలిచింది'
How to prepare Government Jobs : లక్షలు మంది పోటీపడుతున్న ఎగ్జామ్లో.. తాను గెలవడం ధైర్యాన్ని ఇచ్చిందని తెలిపాడు. ఎన్నో కష్టాలు దాటి ఉద్యోగం సాధించడం తన జీవితంలో ఓ మైలు రాయని కన్నీటిపర్యంతం అయ్యాడు. సురేశ్ డిప్రెషన్లో ఉన్నప్పుడు తన సోదరుడు ధైర్యాన్ని ఇచ్చేవాడని పేర్కొన్నాడు. అన్నతో పాటు వదినా, తల్లిదండ్రులు సహకారమే తన విజయానికి కారమని తెలిపాడు. తనతో పాటు ఎంతో మంది పోటీ పడుతున్న నిరుద్యోగులకు తనదైన శైలిలో సూచనలు ఇస్తున్నాడు. ప్రస్తుతం గుంటూరు రైల్వే డివిజన్(Guntur Railway Divison) పరిధిలో విధులు నిర్వహిస్తున్నాడు. తమ వాడు ప్రయోజకుడు అవ్వడంతో కుటుంబ సభ్యులు సంతోషం వ్యక్తం చేస్తున్నారు.