కృష్ణాజలాల దోపిడీని అరికట్టకపోతే కేసీఆర్కు ముఖ్యమంత్రిగా కొనసాగే నైతిక హక్కులేదని కాంగ్రెస్ ఎమ్మెల్సీ జీవన్రెడ్డి డిమాండ్ చేశారు. కృష్ణాజలాలు దోపిడీకి గురైతే తెలంగాణ రాష్ట్రం ఏర్పాటు చేసుకొని ప్రయోజనం ఏమిటని ప్రశ్నించారు. గత ఆరునెలలుగా పనులు సాగుతుంటే నిద్రపోయిన కేసీఆర్.. హఠాత్తుగా నిద్రలేచి లేఖలు రాస్తే పనులు జరగవని ఆయన పేర్కొన్నారు.
ప్రభుత్వం ప్రత్యక్ష కార్యాచరణకు దిగాలని సూచించారు. ఆనాడు పోతిరెడ్డిపాడు సామర్థ్యం పెంచితేనే తెలంగాణ ఉద్యమానికి ఊతం ఇచ్చిందని.. ఇప్పుడు మరో ఉద్యమం చేపట్టాల్సిన అవసరం ఉందన్నాపు, ప్రభుత్వం వెంటనే స్పందించక పోతే కాంగ్రెస్ పార్టీ ఆందోళన ఉద్ధృతం చేస్తుందని జీవన్రెడ్డి హెచ్చరించారు.
'నీటి దోపిడీని అరికట్టకపోతే సీఎంగా కొనసాగే నైతిక హక్కులేదు'