జయశంకర్ భూపాలపల్లి జిల్లా కేంద్రం మంజూర్ నగర్లో కొత్తగా నిర్మించిన ఆస్పత్రిని ప్రజలకు త్వరగా అందుబాటులోకి తీసుకురావాలని కలెక్టర్ కృష్ణ ఆదిత్య ఆదేశించారు.
ట్రయల్రన్ బేసిస్లో..
జిల్లా కేంద్రంలో నూతన ఆస్పత్రిని కలెక్టర్ ఆకస్మికంగా తనిఖీ చేశారు. డీసీహెచ్ఎస్ డా.తిరుపతి, జిల్లా వైద్య ఆరోగ్య శాఖాధికారి డా.జె.సుధార్ సింగ్తో శాఖల పనితీరు, ప్రజలకు అందాల్సిన సేవలపై సమీక్షించారు. దవాఖానాను ప్రస్తుతానికి ట్రయల్రన్ బేసిస్లో వినియోగంలోకి తెస్తామని తెలిపారు.
వెనక్కి రప్పించాలి..
అన్ని ప్రభుత్వ ఆసుపత్రులో డాక్టర్లు, స్టాఫ్ నర్సులు, ఫార్మాసిస్ట్లు, లాబ్ టెక్నిషియన్స్, ఇతర క్యాడర్లకు చెందిన హెచ్ఆర్ను సమకూరుస్తానని పేర్కొన్నారు. డిప్యుటేషన్లలో ఉన్న ఉద్యోగులను వెనక్కి రప్పించాలని ఆదేశించారు. లేదంటే వారిపై చర్యలు తీసుకోవాలని సూచించారు.
సద్వినియోగం చేసుకోవాలి..
అందరు జవాబుదారీగా ఉండాలని, మందులు తప్పకుండా ఈ ఔషది పోర్టల్లో నమోదు చేయాలని స్పష్టం చేశారు. ఈ నెలలో లాప్స్ అవుతున్న నిధులుంటే సద్వినియోగం చేసుకోవాలని తెలిపారు. ఆస్పత్రిలో డి.ఎం.హెచ్.ఓ కార్యాలయం తనిఖీ చేశారు. జిల్లా ఫార్మసీ స్టోర్లో రికార్డ్స్ పరిశీలించారు.
ఏరియా దవాఖానాలో క్రిటమిన్, రాండం బ్లడ్ షుగర్ పరీక్షలు కలెక్టర్ చేయించుకున్నారు. ఆయన వెంట సీపీఓ కె.శామ్యూల్, డీపీఆర్ఓ రవికుమార్, డా.మమతాదేవి, డా.ఉమాదేవి, హెల్త్ ఎడ్యుకేటర్ అన్వర్, డీడీఎం మధుబాబు ఉన్నారు.
ఇదీ చూడండి:గ్రామాల్లో పర్యటిస్తూ... సమస్యల గురించి తెలుసుకుంటూ