జగిత్యాల జిల్లాకు 'లో లెవల్​' కష్టాలు.. పరిష్కారం కోసం ఎదురుచూపులు

Low level bridge: జగిత్యాల జిల్లాలో వర్షం వచ్చిందంటే జనం అల్లాడిపోతున్నారు. చిన్నపాటి వర్షాలకే రాకపోకలకు అంతరాయం కలుగుతోంది. జిల్లాలోని గ్రామీణ మండలం అనంతారం జాతీయ రహదారి వద్ద, ధర్మపురి మండలం నేరేళ్ల వద్ద లో లెవెల్​ వంతెనలు ఉండగా.. వర్షాలు కురిసినప్పుడల్లా రాకపోకలు నిలిచిపోతున్నాయి. జాతీయ రహదారి కావడంతో ధర్మపురి-మంచిర్యాల రహదారి నుంచే ఎక్కువ శాతం మంది ప్రయాణం చేస్తుంటారు. ఏటా లో లెవెల్​ వంతెనలు మునిగిపోతుంటాయి. ఈసారి కురిసిన భారీ వర్షాలకు సైతం వంతెనలు మునగడంతో రాకపోకలు సాగించలేక జనం ఇబ్బందులు పడుతున్నారు.

జిల్లాలోని పెర్కపల్లి వద్ద తరచూ వంతెనలు మునిగిపోతుంటాయి. రాయికల్​ మండలంలోని చల్గల్, సింగరావు పేట, మైతాపుర్, అల్లీపూర్​తో పాటు మరికొన్ని లో లెవెల్​ వంతెనలపై ఇదే పరిస్థితి నెలకొంది. వీటితో పాటు ధర్మపురి, వెల్గటూర్, గొల్లపల్లి, కోరుట్ల, మెట్​పల్లి, మల్యాల, మల్లాపూర్​ తదితర మండలాల్లోనూ లో లెవెల్ వంతెనలపై రాకపోకలు నిలిచిపోతున్నాయి.

నిధులకు మోక్షమెప్పుడో..: రహదారులు, భవనాల శాఖ జిల్లాలో దాదాపు 35కు పైగా లో లెవెల్ వంతెనలు ఉన్నట్లు గుర్తించి ప్రతిపాదనలు తయారు చేసింది. కానీ ఒకటీ రెండు వంతెనలకు తప్ప... మిగతా వాటి నిర్మాణానికి నిధులు రావడం లేదు. లో లెవెల్​ వంతెనల వద్ద ఎత్తు పెంచి నిర్మించాలని స్థానికులు కోరుతున్నారు. ఇప్పటికైనా ప్రభుత్వం స్పందించి త్వరితగతిన లోలెవల్వంతెనల నిర్మాణం చేపట్టాలని స్థానికులు కోరుతున్నారు.

ఇవీ చూడండి..