పూజలందుకోకుండానే బొజ్జగణపయ్య నిమజ్జనం

తొమ్మది రోజులు ఘనంగా పూజలందుకోవాల్సిన బొజ్జ గణపయ్యను... తొలి రోజే నిమజ్జనం చేసిన ఘటన జగిత్యాల జిల్లా బాలపల్లిలో చోటుచేసుకుంది. 5 అడుగుల కంటే ఎక్కువ ఎత్తు ఉందని పోలీసులు అభ్యంతరం చేయడం వల్ల వాగులో నిమజ్జనం చేశారు.

ప్రతిష్ఠించకుండానే వినాయకుడిని నిమజ్జనం చేసిన ఘటన... జగిత్యాల జిల్లా బాలపల్లిలో చోటుచేసుకుంది. గ్రామానికి చెందిన కొందరు యువకులు అట్టాహాసంగా... 5 అడుగుల కంటే ఎత్తైన విగ్రహాన్ని తీసుకొచ్చారు. కొవిడ్​ నిబంధనలకు విరుద్ధంగా గణేశుడి ఎత్తు ఉందని పోలీసులు అభ్యంతరం తెలిపారు. దీంతో చేసేదిమీ లేక... గ్రామ సమీపంలోని వాగులో బొజ్జ గణపయ్యను నిమజ్జనం చేశారు. మరో చిన్న విగ్రహాన్ని తీసుకొచ్చి మండపంలో ప్రతిష్ఠించారు.