టీఎస్ఆర్టీసీ జాతీయ స్థాయిలో ఇంధన పొదుపు సాధించి ద్వితీయ స్థానాన్ని కైవసం చేసుకుంది. కేంద్ర పెట్రోలియం సహజ వనరుల శాఖ, పీసీఆర్ఏలు 4,001 కంటే ఎక్కువ బస్సులున్న రవాణా సంస్థల కేటగిరీలో అవార్డు సొంతం చేసుకుంది. 2020వ సంవత్సరానికి ఇంధన వినియోగంలో 2.33 కేఎంపీఎల్ వృద్ధిని సాధించడం వల్ల 24 లక్షల లీటర్ల డీజిల్ను పొదుపు చేసి... రూ.18 కోట్లు ఆదా చేశామని ఆర్టీసీ వెల్లడించింది. రోడ్డు, భవనాల శాఖ కార్యాలయంలో సాక్ష్యం-2021 పురస్కారంతో పాటు రూ.3లక్షల నగదు ప్రోత్సాహకాన్ని ఆన్లైన్లో ఆర్టీసీ సీఎండీ సునీల్ శర్మ, ఈడీలకు అధికారులు అందజేశారు.
ఇంధన పొదుపులో ద్వితీయ స్థానం... టీఎస్ఆర్టీసీకి అవార్డు!
కేంద్ర పెట్రోలియం సహజ వనరుల శాఖ, పీసీఆర్ఏలు 4,001 కంటే ఎక్కువ బస్సులు ఉన్న రవాణా సంస్థల కేటగిరీలో ఇంధన పొదుపులో టీఎస్ఆర్టీసీ రెండో స్థానంలో నిలిచింది. 2020 ఏడాదికి డీజిల్ పొదుపుతో రూ.18 కోట్లు ఆదా చేసిందని ఆర్టీసీ వెల్లడించింది.
ఇంధన పొదుపులో ద్వితీయ స్థానం... టీఎస్ఆర్టీసీకి అవార్డు!
రాష్ట్ర స్థాయిలో ఇంధన పొదుపులో హయత్ నగర్-1, ఉప్పల్ డిపో, దిల్సుఖ్నగర్ డిపోలను ఉత్తమ డిపోలుగా గుర్తించారు. గవర్నర్ తమిళిసై సౌందర రాజన్ వర్చువల్ సమావేశంలో ఈ డిపోలకు రూ.50వేల నగదు బహుమతిని, పురస్కారాన్ని అందజేశారు. ఈ సందర్భంగా సంస్థలోని అధికారులు, ట్రాఫిక్ సూపర్వైజర్లు, మెకానిక్ సూపర్వైజర్లు, సూపరింటెండెంట్లు, మెకానిక్లు, డ్రైవర్లు, కండక్టర్లు, హెల్పర్లు, కీలక పాత్ర పోషించిన అందరిని రవాణా శాఖ మంత్రి పువ్వాడ అజయ్ కుమార్, సీఎండీ సునీల్ శర్మ అభినందించారు.