బంగాళాఖాతం ఒడిశా తీరంలో 3.1 కిలోమీటర్ల ఎత్తున గాలులతో ఉపరితల ఆవర్తనం ఏర్పడింది. రుతుపవనాలు చురుగ్గా కదులుతున్నాయి. వీటి ప్రభావంతో సోమ, మంగళవారాల్లో ఈశాన్య, ఉత్తర తెలంగాణ జిల్లాల్లో అక్కడక్కడ భారీ నుంచి అతి భారీ వర్షాలు కురిసే అవకాశాలున్నాయని హైదరాబాద్ వాతావరణ శాఖ తెలిపింది. ఈ రోజు ఉదయం నుంచి హైదరాబాద్లోని పలు ప్రాంతాల్లో వర్షం కురుస్తూనే ఉంది.
రాష్ట్రవ్యాప్తంగా పలు చోట్ల వర్షాలు కురుస్తున్నాయి. ఉదయం 8 గంటల వరకు జగిత్యాల జిల్లా కోరుట్లలో 12.9 సెం.మీ వర్షపాతం నమోదైంది. వికారాబాద్‌ జిల్లా పుట్టపహాడ్‌లో 11.5 సెం.మీలు, సిద్దిపేట జిల్లా దుల్‌ మిట్టాలో 10.7 సెం.మీలు, జనగామ జిల్లా బచ్చనపేటలో 9.9 సెం.మీలు, మహబూబ్‌నగర్‌ జిల్లా మహ్మదాబాద్‌లో 9.2 సెం.మీలు, కరీంనగర్‌ జిల్లా నుస్తులాపూర్‌లో 8.6 సెం.మీలు, భద్రాద్రి జిల్లా పెంట్లంలో 8 సెం.మీ వర్షం కురిసింది.
HEAVY RAINS: రాష్ట్రంలో నేడూ రేపూ అతి భారీ వర్షాలు పెదవీడు(సూర్యాపేట)లో 3.3, పమ్మి(ఖమ్మం జిల్లా)లో 3.2 సెంటీమీటర్ల వర్షం కురిసింది. గత 20 రోజులుగా వర్షాలు లేకపోవడంతో పంటలు ఎండిపోయే ప్రమాదముందని రైతులుఆందోళన చెందుతున్నారు. ఈ పరిస్థితుల్లో వాతావరణం చల్లబడి వర్షాలు కురవడంతో పంటలకు కొంత మేలు జరుగుతుందని రైతులు పేర్కొంటున్నారు.
శనివారం ఛత్తీస్గఢ్ దాని పరిసర ప్రాంతాల నుంచి తెలంగాణా వరకు వ్యాపించి ఉన్న ఉత్తర - దక్షిణ ఉపరితల ద్రోణి ఆదివారం రోజున బలహీన పడిందని అధికారులు పేర్కొన్నారు. ఆదివారం ఉపరితల ఆవర్తనం పశ్చిమ మధ్య బంగాాఖాతంలోని దక్షిణ ఒడిశా తీరంలో సముద్ర మట్టానికి 3.1 కి.మీ. నుంచి 7.6 కి.మీ. ఎత్తు మధ్య కొనసాగుతూ నైరుతి దిశ వైపు వంపు తిరిగి ఉందని ఐఎండీ అధికారులు వివరించారు.
ఇదీ చూడండి:Weather Report Today: రాష్ట్రంలో నేడు భారీ.. రేపు, ఎల్లుండి అతి భారీ వర్షాలు..!
