Hyderabad Girl Suspicious death case in Bangalore : బెంగళూరులో హైదరాబాద్ యువతి మృతి.. ప్రియుడే నిందితుడా..!

Akanksha Vidyasagar Suspicious death case in Bangalore : కర్ణాటక రాజధాని బెంగళూరులో హైదరాబాద్​కు చెందిన ఓ యువతి మృతి అనేక అనుమానాలకు దారి తీస్తోంది. దిల్లీకి చెందిన ఆమె ప్రియుడే హత్య చేసినట్లు స్నేహితులు ఆరోపిస్తున్నారు. ఘటన అనంతరం సదరు యువకుడు పరారు కావడం ఈ వార్తకు మరింత బలం చేకూర్చుతోంది.

Akanksha Vidyasagar Suspicious death case : కర్ణాటక రాజధాని బెంగళూరులో హైదరాబాద్​కు చెందిన ఓ యువతి అనుమానాస్పద మృతి స్థానికంగా కలకలం సృష్టిస్తోంది. బెంగళూరులోని జీవన్ బీమా నగర్ పోలీసు స్టేషన్ పరిధిలో ఈ ఘటన చోటుచేసుకోగా.. యువతిని ప్రేమించిన దిల్లీకి చెందిన ఓ వ్యక్తి ఆమెను హత్య చేసి ఆత్మహత్యగా సీన్ క్రియేట్ చేసేందుకు యత్నించినట్లు స్నేహితులు ఆరోపిస్తున్నారు.

పోలీసులు, మృతురాలి స్నేహితులు తెలిపిన వివరాలు ప్రకారం.. బెంగళూరులోని ఓ ప్రైవేట్ కంపెనీలో హైదరాబాద్​కు చెందిన ఆకాంక్ష విద్యాసాగర్ (23) పని చేస్తోంది. అదే కంపెనీలో పని చేస్తోన్న దిల్లీకి చెందిన అర్పిత్ గుజ్రాల్‌తో ఆమెకు బాగా పరిచయం ఏర్పడింది. ఈ పరిచయం కాస్త ప్రేమగా మారింది. గత కొన్ని నెలలుగా జీవన్ బీమా నగర్ పరిధిలోని కోడిహళ్లిలోని ఓ ప్రైవేట్ అపార్ట్‌మెంట్‌లో నివసిస్తున్నారు.

ఇటీవల వీరిద్దరి మధ్య మనస్పర్థలు రావడంతో తరచూ గొడవలు జరిగేవని స్నేహితులు తెలిపారు. చివరికి ఇరువురు విడిపోవాలని నిర్ణయించుకున్నట్లు సమాచారం. ఈ క్రమంలో సోమవారం సాయంత్రం వీరిద్దరి మధ్య వాగ్వాదం జరిగింది. ఈ సమయంలో తీవ్ర ఆగ్రహంతో అర్పిత్.. తన ప్రియురాలు ఆకాంక్షను గొంతు నులిమి హత్య చేసినట్లు స్నేహితులు ఆరోపిస్తున్నారు. ఆ తరువాత ఆకాంక్ష ఉరి వేసుకొని ఆత్మహత్య చేసుకున్నట్లు చిత్రీకరించేందుకు తానే.. ఓ తాడును తీసుకొని ఆమె ఉరి వేసుకున్నట్లు సీన్ క్రియేట్ చేసినట్లు మృతురాలు స్నేహితులు చెబుతున్నారు.

Hyderabad woman Suspicious death case in Bangalore : ఆకాంక్ష మృతి తరువాత అర్పిత్ ఇంటికి తాళం వేసి కనిపించకుండా వెళ్లిపోయాడు. ఆంకాక్ష రూమ్​మేట్ ఇంటికి వచ్చి విగత జీవిగా ఉరికి వేలాడుతున్న తన స్నేహితురాలను చూసి షాక్​కు గురైంది. వెంటనే తెరుకొని పోలీసులకు సమాచారం ఇచ్చింది. పోలీసులు వచ్చి మృతదేహాన్ని దింపి పోస్టుమార్టం నిమిత్తం స్థానిక ఆసుపత్రికి తరలించారు. ఆకాంక్ష మృతిని అనుమానాస్పద మృతిగా కేసు నమోదు చేసుకొని దర్యాప్తు ముమ్మరం చేశారు.

అర్పిత్​ గుజ్రాల్​నే హత్య చేశాడా..! :యువతి మరణం వెనుక పలు అనుమానాలు వ్యక్తం అవుతున్నాయి. ఆకాంక్ష ప్రియుడు అర్పిత్ ఆమెను హత్య చేసినట్లు స్నేహితులు ఆరోపిస్తున్నారు. ఈ ఘటన అనంతరం యువకుడు పరారు కావడం ఈ వార్తలకు మరింత బలాన్ని చేకూర్చుతున్నాయి. ఒక వేళ తాను ఆకాంక్షను హత్య చేయకుంటే.. పోలీసుల ఎదుటకు ఎందుకు రావడం లేదని స్నేహితులు ప్రశ్నిస్తున్నారు. మరోవైపు అర్పిత్ కోసం పోలీసుల ముమ్మరంగా గాలిస్తున్నారు. అతను ఆచూకి తెలిసిన వారు 7975879152కు సమాచారం ఇవ్వాలని జీవన్ భీమా నగర్ పోలీసులు విజ్ఞప్తి చేశారు.

ఇవీ చదవండి: