నిజాం కళాశాల వద్ద ఏబీవీపీ ఆందోళన... నేతల అరెస్ట్

ఇంటర్​బోర్డు తీరును నిరసిస్తూ... ఏబీవీపీ నాయకులు నిజాం కళాశాల ఎదుట ధర్నా చేపట్టగా.. పోలీసులు అడ్డుకున్నారు. వారిని అదుపులోకి తీసుకుని అబిడ్స్ పీఎస్​కు తరలించారు. ఆత్మహత్యలు చేసుకున్న విద్యార్థుల కుటుంబాలను అదుకోవాలని డిమాండ్ చేస్తున్నారు.

ఇంటర్​ ఫలితాల విషయంలో రాష్ట్రంలో ఇంకా ఆందోళనలు కొనసాగుతున్నాయి. ఇంటర్‌బోర్డు తీరును నిరసిస్తూ నిజాం కళాశాల ఎదుట ఏబీవీపీ విద్యార్థి సంఘం ధర్నాకు దిగింది. కళాశాల ఎదుట శ్రేణులు ఆందోళన చేపట్టగా... పోలీసులు అడ్డుకున్నారు. ఏబీవీపీ నాయకులు, పోలీసుల మధ్య వాగ్వాదం తలెత్తింది. వారిని అదుపులోకి తీసుకుని అబిడ్స్‌ పీఎస్‌కు తరలించారు. ఇంటర్ బోర్డ్‌లో అవకతవకలపై సిట్టింగ్ జడ్జిచే విచారణ జరిపించాలని ఏబీవీపీ నాయకులు డిమాండ్ చేశారు. ఆత్మహత్యలు చేసుకున్న విద్యార్థుల కుటుంబాలను ఆదుకోవాలని కోరారు.