అఫ్గాన్​పై న్యూజిలాండ్ విజయం.. ఇండియా ఇంటికి

అఫ్గానిస్థాన్​పై న్యూజిలాండ్ 8 వికెట్ల తేడాతో విజయం సాధించింది. తద్వారా టీ20 ప్రపంచకప్​ సెమీస్​లో బెర్త్ ఖరారు చేసుకుంది. ఫలితంగా భారత్.. సెమీస్​ రేసు నుంచి నిష్క్రమించింది.

భారత్ అభిమానులు ఎంతో ఆసక్తితో చూసిన మ్యాచ్​ ఇది. మనం సెమీస్​ చేరాలంటే అఫ్గాన్ జట్టు గెలవాలని కోరుకున్న టీమ్​ఇండియా ఫ్యాన్స్​కు నిరాశే మిగిలింది. ఆదివారం జరిగిన మ్యాచ్​లో న్యూజిలాండ్ 8 వికెట్ల తేడాతో విజయం సాధించి, సెమీస్​లో అడుగుపెట్టింది.

అబుదాబీలో జరిగిన ఈ పోరులో తొలుత బ్యాటింగ్ చేసిన అఫ్గానిస్థాన్.. నిర్ణీత 20 ఓవర్లలో 124/8 స్కోరు చేసింది. నజీబుల్లా(73) మినహా అందరూ విఫలమయ్యారు.

అనంతరం ఛేదనలో కివీస్ పూర్తి అధిపత్యం చూపించింది. 18 ఓవర్లలో లక్ష్యాన్ని పూర్తి చేసింది. కెప్టెన్ విలియమ్సన్ 40, కాన్వే 36, గప్తిల్ 28 పరుగులతో ఈగెలుపులో కీలకపాత్ర పోషించారు.

న్యూజిలాండ్ జట్టు