Commonwealth Games 2026: 2022 కామన్వెల్త్ గేమ్స్ నుంచి మిస్ అయిన షూటింగ్.. 2026 గేమ్స్కు తిరిగి వచ్చింది. భారత్కు అత్యధిక పతకాల పంట పండించిన షూటింగ్ తిరిగి రావడం గుడ్న్యూస్. కానీ ఇదే సమయంలో రెజ్లింగ్ను తొలగించింది కామన్వెల్త్ గేమ్స్ ఫెడరేషన్. 2022 గేమ్స్లో రెజ్లింగ్లోనే భారత్కు 12 పతకాలు (6 స్వర్ణం, 1 రజతం, 5 కాంస్యం) వచ్చాయి.
2026లో విక్టోరియాలో జరగనున్న కామన్వెల్త్ గేమ్స్లో ఉండబోయే స్పోర్ట్స్ లిస్ట్ను కామన్వెల్త్ గేమ్స్ ఫెడరేషన్ మంగళవారం ప్రకటించింది. మొత్తం 20 క్రీడలు, 26 క్రీడాంశాలు ఉండనున్నట్లు వెల్లడించింది. ఇందులో షూటింగ్ను చేర్చి రెజ్లింగ్ను తొలగించింది. ఇప్పుడీ రెజ్లింగ్ 2026 గేమ్స్లో లేకపోవడం.. ఇండియా పతకాల సంఖ్యపై ప్రభావం చూపే అవకాశం ఉందని నిపుణులు అంటున్నారు.