ప్రపంచకప్‌ టోర్నీ(T20 world cup) చరిత్రలో టీమ్‌ఇండియాపై పాకిస్థాన్(IND vs PAK) తొలి విజయం సాధించడంతో ఆ జట్టు అభిమానుల ఆనందానికి అవధులు లేకుండా పోయాయి. భారత్పై పది వికెట్ల తేడాతో పాక్ గెలవగానే దుబాయ్‌ స్టేడియం మొత్తం ఆ దేశ అభిమానుల సందడితో హోరెత్తింది. ఈ క్రమంలోనే అదే స్టేడియంలో మ్యాచ్‌ను ప్రత్యక్షంగా చూసిన పాకిస్థాన్ కెప్టెన్‌ బాబర్ అజామ్‌ తండ్రి అజామ్‌ సిద్దిఖి భావోద్వేగానికి లోనయ్యాడు. తన కుమారుడి చిరస్మరణీయ ఆట పట్ల హర్షం వ్యక్తం చేశాడు. ఈ వీడియో ప్రస్తుతం సామాజిక మాధ్యమాల్లో వైరల్‌గా మారింది.
చరిత్ర తిరగరాసిన బాబర్ ఆజామ్.. తండ్రి కన్నీటి పర్యంతం
ప్రపంచకప్‌ టోర్నీలో భారత్పై పాక్ గెలిచిన అనంతరం పాకిస్థాన్ కెప్టెన్‌ బాబర్ అజామ్‌ తండ్రి అజామ్‌ సిద్దిఖి భావోద్వేగానికి లోనయ్యాడు. తన కుమారుడి చిరస్మరణీయ ఆట పట్ల హర్షం వ్యక్తం చేశాడు. ఈ వీడియో ప్రస్తుతం సామాజిక మాధ్యమాల్లో వైరల్‌గా మారింది.
బాబర్ అజామ్‌ తండ్రి కన్నీటి పర్యంతం
ఎంతైనా ఒక కుమారుడు గొప్ప పని చేస్తే ఏ తండ్రి అయినా ఇలాగే గర్వపడతారు. ఇక ఈ మ్యాచ్‌లో టీమ్‌ఇండియా ఫేవరెట్‌గా బరిలోకి దిగినా పరాభవం పాలైంది. తొలుత టాస్‌ ఓడి బ్యాటింగ్‌కు దిగిన భారత జట్టు 151/7 స్కోరే సాధించింది. అనంతరం పాక్ 17.5 ఓవర్లలోనే ఆ లక్ష్యాన్ని ఛేదించి విజయం సాధించింది. ఓపెనర్లు రిజ్వాన్‌ (79*), బాబర్ (68*) పాక్‌ను విజయతీరాలకు చేర్చారు. దీంతో ప్రపంచకప్‌ టోర్నీల్లో భారత (12-1) ఆధిపత్యానికి తెరదించారు. దిగ్గజాలకు సాధ్యం కాని ఈ రికార్డును బాబర్ ఈ మ్యాచ్‌తో తిరగరాశాడు. ఈ క్రమంలోనే అతడి తండ్రి పట్టరాని సంతోషంలో మునిగిపోయారు.
ఇదీ చూడండి:కోహ్లీ, ధోనీ క్రీడాస్ఫూర్తి.. భారత్ - పాక్ జట్లపై ఐసీసీ హర్షం