Rohit Sharma: శ్రేయస్ అయ్యర్పై ప్రశంసల వర్షం కురింపించాడు టీమ్ఇండియా కెప్టెన్ రోహిత్శర్మ. టెస్టు స్పెష్టలిస్టులు పుజారా, రహానె స్థానాలకు అయ్యర్ పోటీనిస్తున్నాడని అన్నాడు. రవీంద్ర జడేజా, రిషబ్ పంత్.. రోజురోజుకు మెరుగవుతున్నారని అన్నాడు. శ్రీలంకతో రెండో టెస్టులో గెలిచిన అనంతరం మీడియాతో మాట్లాడిన సందర్భంగా రోహిత్ ఈ వ్యాఖ్యలు చేశాడు.
శ్రేయస్ తన అత్యుత్తమ ఫామ్‌ కొనసాగిస్తున్నాడు. టీ20 సిరీస్‌లో రాణించినట్లే.. టెస్టుల్లోనూ కీలక ఇన్నింగ్స్ ఆడాడు. టెస్టు స్పెష్టలిస్టులు పుజారా, రహానె స్థానాలను అతడు భర్తీ చేసే విధంగా కనబడుతున్నాడు. రిషబ్ పంత్ కూడా సుదీర్ఘ ఫార్మాట్లో పరిణతి సాధిస్తున్నాడు. ఆడిన ప్రతి మ్యాచులోనూ మెరుగ్గా రాణించేందుకు ప్రయత్నిస్తున్నాడు. జడేజా కూడా గొప్పగా ఆడాడు. జట్టు విజయాల్లో కీలకంగా మారుతున్నాడు.
-రోహిత్ శర్మ, భారత కెప్టెన్