IND vs SA 3rd Test: కేప్‌టౌన్‌ వేదికగా దక్షిణాఫ్రికాతో జరుగుతున్న మూడో టెస్టు మ్యాచ్లో భారత్ కష్టాల్లో పడింది. తొలి రోజు మొదటి సెషన్ ఆరంభంలోనే ఓపెనర్లను కోల్పోయిన భారత జట్టు మూడో సెషన్ ముగియకముందే ఆలౌటైంది. విరాట్ కోహ్లీ(79) ఒంటరి పోరాటం చేయగా.. పుజారా(43), పంత్(27) ఫర్వాలేదనిపించారు. రహానే(9), అశ్విన్(2), శార్దూల్ ఠాకూర్(12) ఘోరంగా విఫలమయ్యారు. దీంతో 77 ఓవర్లలో 223 పరుగులు చేసింది భారత్.
దక్షిణాఫ్రికా బౌలర్లలో కగిసొ రబాడ(4), మార్కో జాన్సన్(3) వికెట్లు పడగొట్టి భారత్ బ్యాటర్లపై విరుచుకుపడ్డారు. ఒలివర్, ఎంగిడి, మహారాజ్ తలో వికెట్ తీశారు.
తొలి ఇన్నింగ్స్లో 223 పరుగులు లక్ష్యంగా బరిలోకి దిగింది దక్షిణాఫ్రికా. క్రీజులో మార్క్రామ్, డీన్ ఎల్గర్ ఉన్నారు.