కరోనా కేసుల్లో స్పెయిన్​, చిలీలను దాటిన కొలంబియా

కరోనా మహమ్మారి మహా విలయం కొనసాగుతోంది. రోజుకు 3 లక్షలకుపైగా కేసులు నమోదవుతున్నాయి. మొత్తం కేసుల సంఖ్య కోటీ 98 లక్షలు దాటింది. 7.30 లక్షల మంది మరణించారు. అమెరికా, బ్రెజిల్​, భారత్​, రష్యాలతో పాటు కొలంబియాలో కొత్త కేసులు విపరీతంగా పెరుగుతున్నాయి. రెండు రోజుల్లో స్పెయిన్​, చిలీలను వెనక్కినెట్టి 8వ స్థానానికి చేరుకుంది.

ప్రపంచంపై కొవిడ్​-19 మహమ్మారి పంజా విసురుతోంది. రోజుకు 3 లక్షలకుపైగా వైరస్​ బారినపడుతున్నారు. అగ్రదేశాలతో పాటు చిన్న చిన్న దేశాలు, ద్వీపాల్లోనూ వైరస్​ వేగంగా వ్యాప్తి చెందుతోంది. ప్రపంచవ్యాప్తంగా మొత్తం కేసుల సంఖ్య రెండు కోట్లకు చేరువైంది.

మొత్తం కేసులు: 19,848,959

మరణాలు: 730,385

కోలుకున్నవారు: 12,750,384

యాక్టివ్​ కేసులు: 6,368,190

• అమెరికాలో.. కరోనా వైరస్​ వేగంగా విస్తరిస్తోంది. ఇప్పటివరకు 51.5 లక్షలకుపైగా వైరస్ ​బారినపడ్డారు. 1.65 లక్షలకుపైగా ప్రాణాలు కోల్పోయారు.
• బ్రెజిల్​లో.. వైరస్​ ఉద్ధృతి కొనసాగుతోంది. దేశవ్యాప్తంగా మొత్తం కేసులు 30 లక్షలు దాటాయి. రోజు రోజుకు కొత్త కేసుల్లో సరికొత్త రికార్డులు నమోదవుతున్నాయి. మరణాల సంఖ్య లక్ష మార్కును దాటాయి.
• కొలంబియాలో.. కరోనా మహమ్మారి వేగంగా విజృంభిస్తోంది. వేల సంఖ్యలో కొత్త కేసులు నమోదవుతున్నాయి. రెండు రోజుల్లోనే స్పెయిన్​, చిలీలను వెనక్కి నెట్టి 8వ స్థానానికి చేరుకుంది. మొత్తం కేసుల సంఖ్య 4 లక్షలకు చేరువైంది. 12.5 వేల మంది ప్రాణాలు కోల్పోయారు.

ప్రపంచవ్యాప్తంగా వివిధ దేశాల్లో కేసుల వివరాలు..

దేశం	కేసులు	మరణాలు
అమెరికా	5,151,776	165,092
బ్రెజిల్​	3,013,369	100,543
రష్యా	887,536	14,931
దక్షిణాప్రికా	553,188	10,210
మెక్సికో	475,902	52,006
పెరు	471,012	20,844
కొలంబియా	376,870	12,540
చిలీ	371,023	10,011
స్పెయిన్	361,442	28,503