భూమా మౌనిక రెడ్డితో మంచు మనోజ్​ పెళ్లి.. అఫిషీయల్​ అనౌన్స్​మెంట్​

టాలీవుడ్‌ హీరో మంచు మనోజ్‌ తన అభిమానులకు శుభవార్త చెప్పేశారు. ఆయన.. భూమా మౌనిక రెడ్డిని పెళ్లి చేసుకోబోతున్నారని కొద్ది రోజులుగా సాగుతున్న ప్రచారాన్ని అధికారికంగా ప్రకటించారు.

కలెక్షన్ కింగ్, మంచు మోహన్ బాబు ఇంట పెళ్లి సందడి షురూ అయిపోయింది. ఆయన రెండో కుమారుడు, హీరో మంచు మనోజ్ రెండో పెళ్లికి అంతా సిద్ధమైపోయింది. స్వయంగా మంచు మనోజ్‌ తన అభిమానులకు ఈ శుభవార్త చెప్పారు. ఆయన మార్చి 3న భూమా మౌనిక రెడ్డిని పెళ్లి చేసుకోబోతున్నారని కొద్దిరోజులుగా జోరుగా ప్రచారం సాగుతున్న సంగతి తెలిసిందే. ఎటువంటి హడావుడి లేకుండా సైలెంట్​గా అతి తక్కువ మంది సమక్షంలోనే ఈ వివాహం జరగబోతున్నట్లు వార్తలు వచ్చాయి. ఈ వివాహ కార్యక్రమానికి కొద్ది మందే ఆహ్వానించారట. అయితే ఇప్పుడు తమ పెళ్లి విషయాన్ని అధికారికంగా ప్రకటించారు మనోజ్​. సోషల్​మీడియా వేదిక భూమా మౌనిక రెడ్డి ఫొటోను పోస్ట్​ చేశారు. పెళ్లి కూతురు అని వ్యాఖ్య రాసుకొచ్చారు. #MWedsM #ManojWedsMounika అనే క్యాప్షన్​ను​ కూడా జోడించారు. అయితే ముహూర్తం ఎప్పుడనేది చెప్పలేదు. కానీ అందుతున్న సమాచారం ప్రకారం నేడు(మార్చి 3) రాత్రి ఎనిమిది గంటల ముప్ఫై నిమిషాలకు అని తెలిసింది.

సంగీత్ ఫొటోస్​ షేర్​​.. హైదరాబాద్​లోని జూబ్లీ హిల్స్, ఫిల్మ్ నగర్​లోని మోహన్ బాబు ఇంటిలో పెళ్లికి ఏర్పాట్లు చేసినట్లు సమాచారం. గురువారం సంగీత్ వేడుక ఘనంగా జరిగినట్లు తెలిసింది. సోషల్​మీడియాలో మంచు లక్ష్మీ పోస్ట్ చేసిన ఫొటోలు మెహందీకి సంబంధించిన ఫొటోలులాగా ఉన్నాయి. తమ్ముడి పెళ్లి పనులు ఆమె దగ్గర ఉండి చూసుకుంటున్నారని తెలుస్తోంది.

కాగా, గతంలో మంచు మనోజ్‌కు ప్రణతి అనే యువతితో పెళ్లి జరిగిన విషయం తెలిసిందే. అయితే వీరిద్దరి మధ్య మనస్పర్థలు తలెత్తడంతో విడాకులు తీసుకున్నారు. ఇక మౌనికకు కూడా ఇది వరకే పెళ్లైంది. ఆమె కూడా విడాకులు తీసుకున్నారు. ఇక మనోజ్‌ సినిమాల విషయానికి వస్తే.. ఆయన గతంలో ప్రకటించిన 'అహం బ్రహ్మాస్మి' అనే పాన్ ఇండియా సినిమా ప్రకటించారు. కానీ ఇది మధ్యలోనే నిలిచిపోయింది. రీసెంట్​గా మళ్లీ 'వాట్‌ ది ఫిష్‌' అనే డిఫరెంట్​ కాన్సెప్ట్ మూవీ చేస్తున్నట్లు తెలిపారు.

అప్పటి నుంచే ప్రచారం.. గతేజాది సెప్టెంబర్ తొలి వారంలో భాగ్య నగరంలోని సీతాఫల్ మండిలోని వినాయక మండపంలో మంచు మనోజ్, భూమా నాగ మౌనిక రెడ్డి జంటగా కనిపించారు. ఆ సమయంలో వినాయకుడికి కలిసి పూజలు చేయించారు. అప్పుడే వీరిద్దరి ప్రేమ విషయం బయటకు తెలిసింది. అప్పుడు వారిని మీడియా ప్రతినిధులు పెళ్లి గురించి ప్రశ్నించగా... అది తన పర్సనల్​ విషయమని చెప్పారు. అనంతరం డిసెంబర్ నెలలో కడప దర్గాను మంచు మనోజ్ సందర్శించారు. అప్పుడు... తాను కొత్త జీవితం ప్రారంభించబోతున్నట్లు, త్వరలో కొత్తఫ్యామిలీతో కడప దర్గాకు మళ్ళీ రావాలని అనుకుంటున్నట్లు ఆయన తెలిపారు. అలా మనోజ్, భూమిక పెళ్లి చేసుకుంటారనే విషయంపై ఓ క్లారిటీ వచ్చింది.

ఇదీ చూడండి:వైల్డ్​ కాంబో .. అల్లు అర్జున్​ కొత్త సినిమా అనౌన్స్​మెంట్​ వచ్చేసిందోచ్​