పవర్స్టార్ పవన్ కల్యాణ్.. వరుస సినిమాలతో బిజీగా గడుపుతున్నారు. కెరీర్ ఆరంభం నుంచి ఏడాదికొక సినిమా చేసిన పవన్.. ఒక్కసారిగా స్పీడు పెంచారు. ప్రస్తుతం ఆయన చేతిలో నాలుగు సినిమాలు ఉన్నాయి. అయితే ఈ నాలుగింటిలో రెండు.. ఇప్పుడికే సెట్స్పై ఉన్నాయి. శరవేగంగా షూటింగ్ జరుపుకుంటున్నాయి. మరో రెండు సినిమాల షూటింగ్లు త్వరలోనే ప్రారంభం కానున్నాయి.
అయితే తాజాగా పవన్ కల్యాణ్.. మరో సినిమాను లైన్లో పెట్టారు. యంగ్ డైరెక్టర్ సుధీర్ వర్మతో ఓ సినిమా చేయబోతున్నారు. రవితేజ హీరోగా నటించిన రావణాసుర చిత్ర ప్రమోషన్స్లో పవన్ కల్యాణ్తో తాను సినిమా చేయడం నిజమేనంటూ సుధీర్ వర్మ వెల్లడించారు. చాలా క్రితమే పవన్తో సినిమా ఫిక్స్ అయిందని ఆయన తెలిపారు. ఈ సినిమా మెయిన్ స్టోరీ ఐడియా మాటల మాంత్రికుడు త్రివిక్రమ్దేనని చెప్పారు. ఆయన చెప్పిన ఐడియాను డెవలప్ చేయడంతో పాటు ఈ సినిమాకు తాను దర్శకత్వం వహిస్తున్నట్లు పేర్కొన్నారు. మూవీ మాత్రం సెట్స్పైకి రావడానికి కాస్త సమయం పట్టనుందని తెలిపారు. పవన్ కల్యాణ్ ప్రస్తుతం కమిట్మెంట్స్ తర్వాతే ఈ సినిమా షూటింగ్పై క్లారిటీ వచ్చే అవకాశముందని వెల్లడించారు.
ప్రస్తుతం డైరెక్టర్ క్రిష్ దర్శకత్వంలో హరిహర వీరమల్లు, హరీశ్ శంకర్ డైరెక్షన్లో ఉస్తాద్ భగత్సింగ్ సినిమాలు చేస్తున్నారు పవన్ కల్యాణ్. వీటితో పాటు సముద్ర ఖని డైరెక్షన్లో వినోధయ సీతమ్ రీమేక్కు ఇటీవలే పవన్ గ్రీన్ సిగ్నల్ ఇచ్చారు. ఈ రీమేక్ చిత్రంలో సాయి ధరమ్ తేజ్.. మరో హీరోగా నటిస్తున్నారు. అందుకు సంబంధించిన చిత్రీకరణ.. ఇటీవలే ప్రారంభమైంది. షూటింగ్ చిత్రాలు లీక్ అయ్యి.. సోషల్మీడియాలో వైరల్ కూడా అయ్యాయి. ఈ మూడు కాకుండా.. సాహో ఫేమ్ సుజిత్తో గ్యాంగ్ స్టర్ సినిమా కూడా చేయనున్నారు పవన్.
మ‌రోవైపు రవితేజ హీరోగా సుధీర్‌వ‌ర్మ దర్శకత్వంలో రూపొందిన రావణాసుర సినిమా ఏప్రిల్ 7న రిలీజ్ కానుంది. యాక్ష‌న్ ఎంట‌ర్‌టైన‌ర్‌గా రూపొందిన ఈ సినిమాలో నెగెటివ్ షేడ్స్‌తో కూడిన క్యారెక్ట‌ర్‌లో రవితేజ క‌నిపించ‌బోతున్నారు. ఈ చిత్రంలో మేఘా ఆకాశ్, అను ఇమ్మాన్యుయేల్, ఫరియా అబ్దుల్లా, పూజిత పొన్నాడ, దక్షా నగార్కర్ హీరోయిన్లుగా నటిస్తున్నారు. మరో హీరో సుశాంత్ ఈ చిత్రంలో కీలక పాత్రలో నటిస్తున్నారు. రావు రమేశ్, మురళీ శర్మ ఈ సినిమాలో ముఖ్యపాత్రలు పోషిస్తున్నారు. రవితేజ, అభిషేక్‌ నామా నిర్మిస్తున్న ఈ చిత్రానికి హర్షవర్దన్‌ రామేశ్వర్‌, భీమ్స్‌ సంగీతం అందిస్తున్నారు.
