ఐకాన్‌స్టార్‌ అల్లు అర్జున్ మరో అరుదైన గౌరవాన్ని దక్కించుకున్నారు. వినోద రంగంలో ప్రముఖంగా భావించే జీక్యూ మ్యాన్‌ ఆఫ్‌ ది ఇయర్‌ అవార్డు ఈ ఏడాదికి గాను ఆయన్ని వరించింది. ఈ మేరకు సదరు మ్యాగజైన్‌ బృందం.. హైదరాబాద్‌కు చేరుకుని నగరంలోని ఓ ప్రముఖ హోటల్‌లో ఈవెంట్‌ను నిర్వహించింది. ఈ వేడుకలో బన్నీకి అవార్డును అందించారు. దీనికి సంబంధించిన ఫొటోలను ఆయన ఇన్‌స్టా వేదికగా షేర్‌ చేస్తూ తన లక్ష్యాన్ని అందుకున్నట్లు చెప్పారు.
"లీడింగ్‌ మ్యాన్‌ ఆఫ్‌ 2022గా నన్ను సత్కరించినందుకు జీక్యూ ఇండియాకు ధన్యవాదాలు. జీక్యూ మ్యాగజైన్‌ కవర్‌పై నా ఫొటో ఉండటాన్ని గౌరవంగా భావిస్తున్నా. నా జాబితాలోని ఓ టార్గెట్‌ని ఇలా అందుకున్నా" అని బన్నీ పేర్కొన్నారు.