ఓ వైపు పుష్ప సినిమా షూటింగ్లో బిజీగా ఉన్న స్టైలిష్ స్టార్ అల్లు అర్జున్ ప్రస్తుతం తన ఫ్యామిలీతో వెకేషన్లో ఉన్నారు. పుష్ప సినిమా తర్వాత ఈ ఐకాన్ స్టార్ క్రేజ్ అమాంతం పెరిగిపోయింది. దీంతో ఫ్యాన్స్ తన అప్కమింగ్ ప్రాజెక్ట్స్ పై ఎంతో ఆసక్తి చూపిస్తున్నారు. ఈ క్రమంలో ప్రముఖ ఓటీటీ సంస్థ 'ఆహా'.. బన్నీ ఫ్యాన్స్ కోసం ఓ బిగ్ సర్ప్రైజ్నే ప్లాన్ చేసింది.
ఇప్పటికే నందమూరి బాలకృష్ణతో అన్స్టాపబుల్ విత్ ఎన్‌బీకే అనే షో తీసుకొచ్చి ఫ్యాన్స్ను ఉర్రూతలూగించిన 'ఆహా' ఇప్పుడు అల్లు అర్జున్ ఫ్యాన్స్ కోసం ఓ బిగ్గెస్ట్ సర్ప్రైజ్ను ప్లాన్ చేసింది. ఇదే విషయాన్ని 'ఆహా' బుధవారం సామాజిక మాధ్యమాల్లో అఫీషియల్గా అనౌన్స్ చేసింది.
"అల్లు అర్జున్ని మీరు మాస్గా, క్లాస్గా చూసుంటారు. ఈసారి ఓ బ్లాక్‌ బస్టర్ లుక్తో ఆహా మీ ముందుకు తీసుకురానుంది. బిగ్గెస్ట్ అనౌన్స్మెంట్ కోసం రెడీగా ఉండండి.' అంటూ పోస్ట్ చేసింది. దీంతో ఫ్యాన్స్లో ఆసక్తి మరింత ఎక్కువయ్యింది. అయితే బన్నీతోనే ఓ షో రన్ అవుతోందా లేకుంటే ఆల్రెడీ ఆహాలో రన్ అవుతున్న షోల్లోనే కనిపిస్తారా అనేది ఇంకా తెలియాల్సి ఉంది. ఇక ఈ విషయం గురించి సోషల్ మీడియాలో చర్చలు మొదలయ్యాయి. దీంతో ఆ పోస్ట్పై నెటిజన్లు రకరకాలుగా స్పందిస్తున్నారు. ఇండియన్ ఐడల్కు గెస్ట్గా రానున్నారా? లేదా ఏదైనా డ్యాన్స్ షో చేయనున్నారా.. లేకుంటే ఇంటర్వ్యూ ఇవ్వనున్నారా .. లేక అన్‌స్టాపబుల్లో ఎంట్రీ ఇవ్వనున్నారా అంటూ కామెంట్లు పెడుతున్నారు.
అయితే ఆహాలో ఇప్పుడు పలు షోలు రన్ అవుతున్నాయి. 'అన్స్టాపబుల్', 'డాన్స్ ఐకాన్', 'ఇండియన్ ఐడల్ 2' లాంటి షోలు ప్రేక్షకులను అలరిస్తున్నాయి. ఈ క్రమంలో ఈ ప్రోగ్రామ్స్లో గెస్ట్ అప్పీయరెన్స్ ఇవ్వనున్నారా లేకుంటే ఏదైనా షో కి జడ్జీగా రానున్నారా లేక తనతోనే ఏదైనా కొత్త షో మొదలవ్వనుందా అనే ఊహాగానాలు తెరపైకి వస్తున్నాయి. అయితే ఆహా మరో అఫీషియల్ అనౌన్స్మెంట్ ఇచ్చేవరకు ఎటువంటి క్లారిటీ రాదని అభిమానులు అంటున్నారు.
ఇక సినిమాల విషయానికి వస్తే.. అల్లు అర్జున్ ప్రస్తుతం 'పుష్ప 2'లో నటిస్తున్నారు. మెదటి పార్ట్ సక్సెస్ను ఆస్వాదిస్తున్న చిత్ర యూనిట్ ఇప్పుడు సీక్వెల్ చిత్రీకరణలో బిజీ అయిపోయారు. శరవేగంగా షూటింగ్ జరుపుకుంటున్న ఈ సినిమా ఇప్పటికే ప్రేక్షకుల్లో భారీ అంచనాలను నింపేసింది. సుకుమార్‌ దర్శకత్వం వహిస్తున్న ఈ సినిమాలో అల్లు అర్జున్కు జోడీగా రష్మిక మందన్న నటిస్తున్నారు. మలయాళ స్టార్ హీరో ఫహద్‌ ఫాజిల్‌తో పాటు అనసూయ, సునీల్ కీలక పాత్రలు పోషిస్తున్నారు. తాజా సమాచారం ప్రకారం ఈ సినిమాలో సాయి పల్లవి కూడా ఓ రోల్ చేయనున్నారట.
