శుభకార్యానికి వెళ్లొస్తుండగా ప్రమాదం.. ఒకరు మృతి

సూర్యాపేట జిల్లా చింతలకుంట తండా వద్ద లారీ, బైక్ ఢీకొని ఒక వ్యక్తి మృతి చెందాడు. శుభకార్యానికి వెళ్లొస్తుండగా ఈ ప్రమాదం జరిగిందని మృతుడి బంధువులు తెలిపారు. శవపరీక్ష కోసం మృతదేహాన్ని తుంగతుర్తి ప్రభుత్వ ఆస్పత్రికి తరలించారు.

శుభకార్యానికి వెళ్లొస్తుండగా లారీ, ద్విచక్రవాహనం ఢీకొని ఒక వ్యక్తి మృతి చెందాడు. సూర్యాపేట జిల్లా తిరుమలగిరి మండలం చింతలకుంట తండా స్టేజీ వద్ద ఈ ప్రమాదం జరిగింది. రత్నవరం గ్రామానికి చెందిన వెలుగు కరుణాకర్ మామిడాల గ్రామంలో ఓ విందుకు హాజరై... తిరిగి వెళ్తున్న క్రమంలో ఈ ఘటన చోటుచేసుకుంది.

సమాచారం అందుకున్న పోలీసులు ఘటనా స్థలికి చేరుకున్నారు. శవపరీక్ష కోసం మృతదేహాన్ని తుంగతుర్తి ఏరియా ఆస్పత్రికి తరలించారు.

ఇదీ చదవండి:రాష్ట్ర ప్రజలకు ఉగాది శుభాకాంక్షలు తెలిపిన మంత్రులు