Boora Narsaiah Goud is confirmed to join BJP: బూర నర్సయ్యగౌడ్ తెరాస సభ్యత్వానికి రాజీనామా చేసిన వేళ... భాజపాలో చేరుతారని ప్రచారానికి మరింత బలం చేకూరింది. మునుగోడు నియోజకవర్గంలో పెద్దఎత్తున ఉన్న గౌడ సామాజికవర్గాన్ని ఆకర్షించడానికి బూరతో భారతీయ జనతా పార్టీ నేతలు చేసిన ప్రయత్నాలు చేస్తున్నారు. అమిత్ షా సమక్షంలో బూర భాజపా కండువా కప్పుకోనున్నట్లు తెలుస్తోంది. బూర నర్సయ్యగౌడ్ భాజపా జాతీయాధ్యక్షుడు జేపీ నడ్డాతో సమావేశమైనట్లు సమాచారం. ఇవాళ అమిత్ షాను కలిసి కాషాయ తీర్థం పుచ్చుకోనున్నట్లు తెలుస్తోంది.
వచ్చే ఎన్నికల్లో భువనగిరి నియోజకవర్గం నుంచి ఎమ్మెల్యే అభ్యర్ధిగా బూర నర్సయ్య పోటీ చేస్తారని... ఈ మేరకు భాజపా అధిష్ఠానం నుంచి హామీ లభించినట్లు ఆయన వర్గీయులు చెబుతున్నారు. తెరాస మాజీ ఎమ్మెల్సీ కర్నె ప్రభాకర్ అంశంపైనా కూడా తెరాసలో చర్చ జరుగుతోంది. బూర నర్సయ్య పార్టీ మార్పు నేపథ్యంలో కర్నెతో మాట్లాడానికి సంప్రదించగా ఆయన అందుబాటులోకి రానట్లు తెలుస్తోంది. అంతకు ఆయన తన రాజీనామా పత్రంలో సీఎం కేసీఆర్ పలు విమర్శలు గుప్పించారు. అభిమానం, బానిసత్వానికి చాలా తేడా ఉందని బూర పేర్కొన్నారు. ఏదైనా విషయంలో ఉద్యమకారులు, కార్యకర్తలు సీఎంను కలవాలంటే పెద్ద ఉద్యమమే చేయాల్సిన పరిస్థితి ఉందని తెలిపారు. మునుగోడు ఉపఎన్నికపైనా పలు విషయాలు లేఖలో పేర్కొన్నారు.