భారీగా తగ్గిన పెట్రోల్, డీజిల్ ధరలు.. మన దగ్గర కొత్త లెక్కలు ఇలా...
By
Published : May 22, 2022, 8:55 AM IST
|
Updated : May 22, 2022, 10:49 AM IST
petrol price today
Petrol Price Today: ఎక్సైజ్ సుంకం తగ్గించాలన్న కేంద్రం నిర్ణయంతో పెట్రోల్, డీజిల్ ధరలు భారీగా దిగొచ్చాయి. హైదరాబాద్లో లీటరు పెట్రోల్ ధర రూ.9.83, డీజిల్ ధర రూ.7.67 మేర తగ్గాయి.
Petrol Price Today: ధరల భూతం దెబ్బకు విలవిల్లాడుతున్న సామాన్యులకు కాస్త ఊరట లభించింది. ఆదివారం దిల్లీలో లీటరు పెట్రోల్ ధర రూ.8.69 మేర దిగొచ్చింది. డీజిల్ ధర రూ.7.05కు తగ్గింది. చమురు మార్కెటింగ్ సంస్థలు ఈమేరకు నోటిఫికేషన్ విడుదల చేశాయి. కేంద్రం లీటర్ పెట్రోల్పై రూ.8, డీజిల్పై రూ.6 ఎక్సైజ్ సుంకం తగ్గించగా.. ఇతర సుంకాలు/పన్నుల్నీ పరిగణనలోకి తీసుకుని కొత్త ధరలు నిర్ణయించినట్లు చమురు సంస్థలు తెలిపాయి.
దిల్లీలో లీటరు పెట్రోల్ ధర రూ.105.41 నుంచి రూ.96.72కు దిగొచ్చింది. డీజిల్ ధర రూ.96.67 నుంచి రూ.89.62కు తగ్గింది. petrol price in hyderabad: కేంద్రం నిర్ణయంతో హైదరాబాద్లో లీటరు పెట్రోల్ ధర రూ.9.83 తగ్గింది. ఆదివారం లీటరు పెట్రోల్ ధర రూ.109.64గా ఉంది. డీజిల్ ధర రూ.7.67 తగ్గి.. రూ.97.80కు చేరింది.