స్టాక్ మార్కెట్లను ఈ వారం స్థూల ఆర్థిక గణాంకాలు, అమెరికా ఫెడ్ నిర్ణయాలు ప్రధానంగా ప్రభావితం చేయనున్నాయని విశ్లేషకులు భావిస్తున్నారు.
ఈ వారం ద్రవ్యోల్బణం, ఎగుమతి దిగుమతుల గణాంకాలు విడుదల కానున్నాయి. దేశీయంగా ఈ గణాంకాలపైనే మదుపరులు ఎక్కువగా దృష్టి సారించే అవకాశముందని చెబుతున్నారు మార్కెట్ నిపుణులు.
అంతర్జాతీయంగా చూస్తే.. బ్రెగ్జిట్ ఒప్పందం అప్డేట్లు, అమెరికా ఫెడ్ వడ్డీ రేట్లు, ఇతర ఆర్థిక అంశాలపై చేసే ప్రకటనలు మార్కెట్లకు దిశా నిర్దేశం చేయనున్నాయని జియోజిత్ ఫినాన్షియల్ సర్వీసెస్ అధిపతి (రీసెర్చ్) వినోద్ నాయర్ తెలిపారు.