'అల్లోపతి డాక్టర్లను ఆయుర్వేద వైద్యులుగా మార్చేస్తా!'

యోగా గురు బాబా రాందేవ్​ అల్లోపతి వైద్యులపై మరోసారి వివాదాస్పద వ్యాఖ్యలు చేశారు. ఏడాదిలో 1000 మంది అల్లోపతి డాక్టర్లను ఆయుర్వేద వైద్యులుగా మార్చేస్తానని అన్నారు.

అల్లోపతి వైద్యులపై యోగా గురు బాబా రాందేవ్ మరోసారి సంచలన వ్యాఖ్యలు చేశారు. ఏడాది సమయంలో 1000 మంది అల్లోపతి డాక్టర్లను ఆయుర్వేద వైద్యులుగా మారుస్తానని ప్రకటించారు.

ప్రజలకు ఆయుర్వేదం శక్తి తెలియ చేసేందుకే ఈ నిర్ణయం తీసుకున్నట్లు రాందేవ్ పేర్కొన్నారు. చాలా మంది విశ్రాంత​ అల్లోపతి డాక్టర్లు ఆయుర్వేద వైద్యులుగా మారేందుకు ఆసక్తితో ఎదురుచూస్తున్నారని వ్యాఖ్యానించారు.

ఇటీవలే అల్లోపతి వైద్యంపై యోగా గురు రాందేవ్ చేసిన వ్యాఖ్యాలు వివాదాస్పదం అయ్యాయి. ఆయన వ్యాఖ్యలపై ఆగ్రహించిన ఉత్తరాఖండ్ వైద్య సంఘం రాందేవ్​పై రూ. 1000 కోట్ల పరువు నష్టం దావా వేసింది. 15 రోజుల్లోగా క్షమాపణలు చెప్పాలని లేకపోతే పరిహారం చెల్లించాల్సి ఉంటుందని హెచ్చరించింది.

ఇదీ చదవండి:కరోనా మూలాలపై మరోసారి దర్యాప్తునకు భారత్​ మద్దతు