Nara Lokesh wishes Telangana New CM Revanth Reddy: తెలంగాణ ముఖ్యమంత్రిగా ప్రమాణస్వీకారం చేసిన రేవంత్ రెడ్డికి పలువురు నేతలు ట్విట్టర్ (ఎక్స్) ద్వార్ అభినందనలు తెలిపారు. తెలంగాణ ప్రజల ఆకాంక్షల మేరకు పరిపాలన కొనసాగించాలంటూ సూచనలు చేశారు. తాజాగా తెలంగాణ ముఖ్యమంత్రిగా ప్రమాణస్వీకారం చేసిన రేవంత్ రెడ్డికి, తెలుగుదేశం జాతీయ ప్రధాన కార్యదర్శి నారా లోకేశ్ శుభాకాంక్షలు తెలిపారు. రేవంత్రెడ్డి తన బాధ్యతలు విజయవంతంగా నిర్వర్తించాలని లోకేశ్ ఆకాంక్షించారు.
మెగాస్టార్ చిరంజీవి అభినందనలు: తెలంగాణ ముఖ్యమంత్రిగా ప్రమాణ స్వీకారం చేసిన రేవంత్ రెడ్డికి, మెగాస్టార్ చిరంజీవి అభినందనలు తెలిపారు. రేవంత్ రెడ్డి నాయకత్వంలో, తెలంగాణ రాష్ట్రం మరింత అభివృద్ధి చెందుతుందని ఆశాభావం వ్యక్తం చేశారు. రేవంత్ రెడ్డితో పాటుగా ప్రమాణస్వీకారం చేసిన ఉపముఖ్యమంత్రి, మంత్రులకు సైతం చిరు అభినందనలు తెలిపారు. తెలంగాణ ప్రజల ఆకాంక్షల మేరకు పరిపాలన కొనసాగించాలంటూ పేర్కొన్నారు.
ఎన్టీఆర్ జిల్లా రేవంత్ అభిమానులు: తెలంగాణ ముఖ్యమంత్రిగా రేవంత్ రెడ్డి ప్రమాణ స్వీకారం సందర్భంగా వీరులపాడులో రేవంత్ రెడ్డికి శుభాకాంక్షలు తెలుపుతూ టీడీపీ నాయకులు, సానుభూతిపరులు అభిమానులు ఫ్లెక్సీలు ఏర్పాటు చేశారు. ఎన్టీఆర్ జిల్లా వీర్లుపాడు తెలుగుదేశం పార్టీ అభిమానుల పేరిటశుభాకాంక్షలు తెలుపుతూ చంద్రబాబు నాయుడు, ఎన్టీఆర్, నందిగామ మాజీ ఎమ్మెల్యే తంగిరాల సౌమ్య ఫోటోలతో ఫ్లెక్సీని ఏర్పాటు చేశారు.