కంటికి రెప్పలా కాపాడాల్సిన తండ్రే కూతురిపై కర్కశంగా ప్రవర్తించాడు. తన ఇష్టానికి విరుద్ధంగా ప్రేమ వివాహం చేసుకుందన్న కారణంతో ఆమెపై అత్యాచారానికి పాల్పడి, ఆమెను కడతేర్చాడు. మధ్యప్రదేశ్లోని భోపాల్ జిల్లాలో ఈనెల 4న జరిగిన ఈ అమానుష ఘటన ఆలస్యంగా వెలుగులోకి వచ్చింది. ఇందుకు సంబంధించి కేసు నమోదు చేసిన పోలీసులు నిందితుడిని అరెస్ట్ చేశారు.
అంత్యక్రియలకు వెళ్తూ..
బాధితురాలు ఏడాది క్రితం ఓ వ్యక్తిని ప్రేమ వివాహం చేసుకుని సీహోర్ జిల్లాలోని బిల్కిస్గంజ్ ప్రాంతంలో నివాసం ఉంటోంది. ఇటీవల ఆమె సమస్గఢ్లోని అక్క ఇంటికి వచ్చింది. ఈనెల 4న బాధితురాలి కుమారుడు అనారోగ్యంతో మృతిచెందాడు. దీంతో చిన్నారి అంత్యక్రియలు నిర్వహించేందుకు బాధితురాలి అక్క.. తండ్రిని పిలిచింది.