ప్రసాదంలో ఉమ్మిని కలిపి ఇస్తున్న బాబా

ఓ బాబా తన భక్తులకు ఇచ్చే ప్రసాదంలో ఉమ్మి కలుపుతున్నారు. ఇందుకు సంబంధించిన వీడియో సామాజిక మాధ్యమాల్లో వైరల్​గా మారింది. అయితే ఇది సాధారణమేనని స్థానికులు చెబుతున్నారు.

ఉత్తర్​ప్రదేశ్ గోవర్ధన్ జిల్లాలోని రాధా కుండ్​కు చెందిన ఓ బాబా.. తాను ఉమ్మిన ప్రసాదాన్ని తన భక్తులకు ఇస్తున్నారు. ఈ విషయం సామాజిక మాధ్యమాల్లో వైరల్​గా మారింది. అయితే దీనికి స్థానికులు భిన్నంగా స్పందిస్తున్నారు.

శ్రీధామ్ రాధాకుండ్​కు చెందిన ప్రాణ్ కృష్ణ దాస్ మహరాజ్.. స్థానికంగా బేలావాలే బాబాగా ప్రసిద్ధి. తన భక్తులకు ఆయన ప్రతిరోజు కిచిడీ ప్రసాదంగా పెడుతుంటారు. అయితే అది మామూలుగా కాదు. అందులో తన ఉమ్మిని జత చేస్తారు.

కొన్నేళ్ల నుంచి ఇది అక్కడ సాంప్రదాయంగా వస్తోందని స్థానికులు చెబుతున్నారు. బాబాను దేవుడిలా గౌరవిస్తామని స్థానికులు పేర్కొన్నారు. ఆయన తమను సన్మార్గంలో నడిపిస్తారని నమ్ముతున్నట్లు చెప్పుకొచ్చారు.

ఇదీ చదవండి: చైనా గూఢచారి.. పదేళ్లుగా భారత్​లోనే..!