హరియాణా గురుగ్రామ్లోని చకర్పుర్ గ్రామానికి చెందిన ధీరేంద్ర కుమార్... సైబర్ మోసానికి గురై రూ.1.24 కోట్లు పోగొట్టుకున్నాడు. పునామ్మెకేలా పేరుతో వచ్చిన మెసేజ్లను నమ్మిన ఆయన భారీ మొత్తంలో సొమ్మును పోగొట్టుకున్నాడు.
సందేశం పంపి...
అమెరికాలో సైనికాధికారి పేరిట రూ.1.24 కోట్లు టోకరా
సైబర్ నేరాలపై ఎంతో అవగాహన కల్పిస్తున్నప్పటికీ... కేటుగాళ్ల వలలో పడి ఇప్పటికీ చాలా మంది మోసపోతున్నారు. తాజాగా హరియాణా గురుగ్రామ్కు చెందిన ఓ వ్యక్తి... సైబర్ కేడీ వలలో పడి రూ.1.24 కోట్లు పోగొట్టుకున్నాడు.
అమెరికాలో సైనికాధికారి పేరిట రూ.1.24 కోట్లు టోకరా
ధీరేంద్ర కుమార్కు... పునామ్ మెకేలా పేరుతో వాట్సాప్కు ఓ సందేశం వచ్చింది. తెరిచి చూస్తే 'అమెరికాలో సైనికాధికారిణిగా పని చేస్తున్న తాను... భారత్లో ఔషధ సంస్థను స్థాపించాలనుకుంటున్నాను. దీని కోసం 8.7మిలియన్ డాలర్లు మీకు పంపుతాను' అని అందులో ఉంది. ఆ తర్వాత అమెరికా నుంచి ఓ బాక్సు రాగా.. దానికి కొంత డబ్బు చెల్లించాలంటూ... 2020 జూన్ 19 నుంచి జులై 17 వరకు పలు మెసేజ్లు వచ్చాయి. దీంతో ఆన్లైన్ ద్వారా డబ్బు చెల్లించినట్లు ధీరేంద్ర పేర్కొన్నాడు.
ఈ ఘటనపై కేసు నమోదు చేసిన పోలీసులు... పునామ్ మెకేలా పేరుతో మెసేజ్లు పంపిన మహిళను పోలీసులుఅరెస్టు చేశారు. ప్రజలు ఇటువంటి సైబర్ మోసాల పట్ల అప్రమత్తంగా వ్యవహరించాలని సూచించారు గురుగ్రామ్ పోలీసులు.
ఇదీ చూడండి:అందరికీ అందని ఆన్లైన్ బోధన