అక్టోబర్ 11, 12న భారత్​లో జిన్​పింగ్ పర్యటన

చైనా అధ్యక్షుడు షీ జిన్​పింగ్ పర్యటనపై అధికారిక ప్రకటన విడుదల చేసింది భారత విదేశాంగ శాఖ. అక్టోబర్ 11,12 తేదీల్లో చెన్నై వేదికగా ప్రధాని మోదీతో ఆయన సమావేశంగా కానున్నారని వెల్లడించింది.

చైనా అధ్యక్షుడు షీ జిన్​పింగ్ భారత పర్యటనను ఖరారు చేస్తూ అధికారిక ప్రకటన విడుదల చేసింది విదేశాంగ శాఖ. అక్టోబర్ 11, 12 తేదీల్లో జిన్​పింగ్ భారత్​లో పర్యటిస్తారని పేర్కొంది. ప్రధానమంత్రి నరేంద్రమోదీతో రెండో అనధికారిక సమావేశం చెన్నైకు సమీపంలోని మామళ్లపురం వేదికగా జరగనుందని వెల్లడించింది.

"ప్రధానమంత్రి నరేంద్రమోదీ ఆహ్వానంపై.. చైనా అధ్యక్షుడు జిన్​పింగ్ చెన్నై రానున్నారు. చెన్నై వేదికగా ఇరునేతల మధ్య రెండో అనధికారిక సమావేశం జరగనుంది."

-విదేశాంగ శాఖ ప్రకటన

ద్వైపాక్షిక సంబంధాల బలోపేతం, ప్రాంతీయ, అంతర్జాతీయ స్థాయిలో సహకారంపై అగ్రనేతలు ఈ సమావేశంలో చర్చించే అవకాశం ఉంది.
ఇద్దరు అగ్రనేతల మధ్య తొలి అనధికారిక సమావేశం చైనాలోని వుహాన్​ వేదికగా జరిగింది.

ఇదీ చూడండి: 'పోరాటం ఆగదు-రామమందిర నిర్మాణమే లక్ష్యం'