రాజస్థాన్ బాంసవాఢాలో విషాదం నెలకొంది. అంబులెన్స్ నిలిచిపోవడం వల్ల ఓ రోగి మృతిచెందాడు. అనారోగ్యంతో బాధపడుతున్న ఓ రోగిని ఆస్పత్రికి తరలిస్తుండగా.. మార్గమధ్యంలో అంబులెన్స్లో ఇంధనం అయిపోయింది. దీంతో రోగి తరఫు బంధువులే అంబులెన్స్ను నెట్టుకుంటూ ఆస్పత్రికి తరలించారు. సకాలంలో ఆస్పత్రికి రోగిని ఆస్పత్రికి తీసుకువెళ్లకపోవడం వల్ల రోగి మృతి చెందాడు.
దీనిపై స్పందించిన అధికారులు.. ఈ ఘటన తమ దృష్టికి వచ్చిందన్నారు. బాధితురాలి బంధువులతో మాట్లాడి ఘటనకు గల కారణాన్ని తెలుసుకుంటామని చెప్పారు. ఈ అంబులెన్స్ను ప్రైవేట్ ఏజెన్సీ నిర్వహిస్తోందని.. దీనికి పూర్తి బాధ్యత వారిదేనన్నారు. దీనిపై సమగ్ర దర్యాప్తునకు ఆదేశించామని సీఎమ్హెచ్ఓ పేర్కొన్నారు. ఈ ఘటనపై స్పందించిన మంత్రి పీఎస్ ఖచారివ్యాస్.. తమ ప్రభుత్వం ప్రైవేట్ ఆస్పత్రుల్లోనూ ఉచిత వైద్యాన్ని అందిస్తోందన్నారు. ఇది వ్యవస్థ తప్పిదం కాదని.. పూర్తిగా నిర్వహణ సంస్థ తప్పేనని చెప్పారు. ఈ ఘటనకు కారకులైన వారిపై కఠిన చర్యలు తీసుకుంటామని హామీ ఇచ్చారు.