Game Changer Shooting :గ్లోబల్ స్టార్ రామ్ చరణ్ లీడ్ రోల్లో డైరెక్టర్ శంకర్ తెరకెక్కిస్తున్న లేటెస్ట్ మూవీ 'గేమ్ ఛేంజర్'. ప్రస్తుతం ఈ సినిమా షూటింగ్ ఇంకా కొనసాగుతోంది. శంకర్ ఒకేసారి రెండు ప్రాజెక్టుల పనుల్లో బిజీగా ఉండటం వల్ల 'గేమ్ ఛేంజర్' షూటింగ్ మరింత ఆలస్యమవుతోంది. అయితే తన కుమార్తె పెళ్లి కారణంగా కొద్ది రోజులు బ్రేక్ తీసుకున్న శంకర్, ఇప్పుడు మళ్లీ షూటింగ్ను ప్రారంభించారట. ఇందులో భాగంగా చెన్నైలో కీలక షెడ్యూల్ను ప్లాన్ చేస్తున్నారట.
తాజాగా హైదరాబాద్‌లో పలు కీలక సీన్స్ను చిత్రీకరించారట. అందులో నవీన్ చంద్ర, సునీల్, రామ్ చరణ్ లపై కొన్ని కీలక సన్నివేశాలు చిత్రీకరించారట. దీని తర్వాత తదుపరి షూట్ మే 1 నుంచి కొత్త షెడ్యూల్ ప్రారంభం కానున్నట్లు సమాచారం.
ఇప్పటికే రామ్ చరణ్ కలెక్టర్ పాత్రలో మంత్రుల ప్రమాణ స్వీకారానికి సెక్యూరిటీ ఆర్గనైజ్ చేసే సీన్‌ను చిత్రీకరించారు. దీనికి కొనసాగింపుగా శంషాబాద్ ఏరియాలో మిగతా భాగాన్ని పూర్తి చేశారట. శంషాబాద్ ఎయిర్ పోర్టుకు సమీపంలో ఉండే ఓ పెద్ద బంగ్లాలో ఈ షూట్ తీశారట. తదుపరి షూటింగ్ షెడ్యూల్ చెన్నైలో స్టార్ట్ అవుతుందని సమాచారం.
పొలిటికల్ యాక్షన్ థీమ్తో తెరకెక్కుతున్న ఈ సినిమా ఈ ఏడాది రిలీజ్ కానున్నట్లు సమాచారం. ఇందులో రామ్చరణ్ సరసన కియారా అద్వానీ నటిస్తుండగా, ఈ సినిమాలో నటి అంజలి, SJ సూర్య, శ్రీకాంత్, శుభలేఖ సుధాకర్ తదితరులు నటిస్తున్నారు.ప్రముఖ నిర్మాత దిల్రాజు శ్రీ వేంకటేశ్వర క్రియేషన్స్ బ్యానర్పై శిరీష్తో ఈ చిత్రాన్ని సంయుక్తంగా రూపొందిస్తున్నారు.