DJ Tillu Square OTT Streaming : సిద్ధు జొన్నలగడ్డ మరోసారి తన డిఫరెంట్ యాటిట్యూడ్ స్టైల్ యాక్టింగ్తో అదరగొట్టాడు. ఎన్నో అంచనాలతో టిల్లు స్క్వేర్గా వచ్చి ర్యాంపేజ్ ఆడించాడు. డీజే టిల్లు సినిమాకు మించి ఫన్ ఎంటర్టైన్మెంట్ను పంచాడు. తన టైమింగ్ డైలాగ్ డెలివరీతో నవ్వులు పూయించాడు. లిల్లీ పాత్రలో అనుపమ పరమేశ్వరన్ కూడా హాట్ ఎక్స్ప్రెషన్స్ అండ్ సీన్స్తో ఆకట్టుకుంది. దీంతో సినిమాకు పాజిటివ్ రివ్యూలు వస్తున్నాయి.
ఫస్టాఫ్లో ఫుల్ రొమాన్స్‌, సెకండాఫ్‌లో ట్విస్టులతో బాగా నవ్వులు పూయించిందని ఆడియెన్స్ చెబుతున్నారు. ఇక ఈ పాజిటివ్ రెస్పాన్స్తో టిల్లు గాడు మరోసారి హిట్ కొట్టేశాడు. నిర్మాత నాగవంశీ కూడా ఈ చిత్రం రూ. 100 కోట్ల మార్క్ చేరుకుంటుందని నమ్మకం వ్యక్తం చేస్తున్నారు.
అయితే ఏ సినిమా థియేటర్లలోకి వచ్చినా ఆ వెంటనే వినిపించే మాట ఓటీటీ. ఓటీటీలో ఆ సినిమా ఎప్పుడు వస్తుందా అని ప్రేక్షకులు ఆసక్తిగా ఎదురుచూస్తుంటారు. ఈ నేపథ్యంలో టిల్లు స్క్వేర్ చిత్ర డిజిటల్ స్ట్రీమింగ్ వివరాలు బయటకు వస్తున్నాయి. దీనిని నెట్‌ఫ్లిక్స్ కొనుగోలు చేసినట్లు ఇదివరకే వార్తలు వచ్చాయి. రూ. 13 నుంచి 15 కోట్లు వరకు పెట్టి దక్కించుకుందట.