How to Confirm Train Waiting List Tickets :నిత్యం ఎంతో మంది ప్రజలు తమ గమ్యస్థానాన్ని చేరుకోవటానికి రైలు ప్రయాణాన్ని ఎంచుకుంటారు. అందుకు ప్రధాన కారణం.. తక్కువ ఖర్చుతో ప్రయాణం సాగించడం. అయితే.. పండగ, పెళ్లిళ్ల సీజన్లలో, రద్దీ ఎక్కువగా ఉన్నప్పుడు రైలు(Train) టికెట్లు దొరకడం చాలా కష్టంగా ఉంటుంది. అయితే దీనిని దృష్టిలో ఉంచుకొని కొందరు చాలా అడ్వాన్స్డ్గా రిజర్వేషన్ చేస్తుంటారు. అయినా, కొన్నిసార్లు ప్రయాణికులు బుక్ చేసిన టికెట్లు కన్ఫార్మ్ కాకపోగా వెయిటింగ్ లిస్ట్ అని వస్తోంది. చాలా సార్లు అవి కన్ఫార్మ్ కాకుండా పోతాయి.
ఇదిలా ఉంటే.. రద్దీ సమయాల్లో కూడా కొందరు టికెట్ బుకింగ్ ఏజెంట్లు మీ ట్రైన్ టికెట్స్ వెయిటింగ్ లిస్ట్లో లేకుండా కన్ఫార్మ్ అయ్యేలా చేస్తామని చెబుతూ అందుకు రెండు నుంచి మూడు రెట్లు అదనంగా డబ్బులు వసూలు చేస్తుంటారు. అయితే, ఇక్కడ చాలా మందికి వచ్చే డౌట్ ఏంటంటే.. IRCTCలో వెయిటింగ్ లిస్ట్ చూపిస్తున్నప్పటికీ టికెట్ ఎలా కన్ఫర్మ్ అవుతుంది. అయితే ఇక్కడ ఏజెంట్లు కొన్ని ట్రిక్స్ ఫాలో అవుతారు. అవి ఏంటో ఈ స్టోరీలో తెలుసుకుందాం.
వారు ఉపయోగించే ట్రిక్స్ ఏంటంటే..?పండగల సీజన్, మరికొన్ని రద్దీగా ఉండే సమయాలలో రద్దీగా ఉండే రూట్లలో కొన్ని సీట్లు రెండు నుంచి మూడు నెలల ముందుగానే బుక్ అవుతాయి. అలాగే.. 15 నుంచి 45 సంవత్సరాలు మధ్య వయసున్న వారి పేర్లతో ట్రైన్ టికెట్స్ బుక్ అవుతాయి. ఎందుకంటే సాధారణంగా 15 నుంచి 45 సంవత్సరాల వయసు గల ప్రయాణికులు రైలులో ఎక్కువగా జర్నీ చేస్తుంటారు.