திருவண்ணாமலை: ஆரணி, பெரியார் நகர் பகுதியைச் சேர்ந்த ரகு-அஞ்சுகம் தம்பதிக்கு, ரித்விகா (17), சத்விகா (17), ரிஷ்கா (15) ஆகிய மூன்று பெண் பிள்ளைகள் உள்ளனர். கூலித் தொழிலாளியான ரகு, ஊரடங்கால் பணிக்குச் செல்லமுடியவில்லை.
இதன் காரணமாக 18 மாதங்களுக்கு முன்பு பாரதியார் தெருவைச் சேர்ந்த கேஷ்டிராஜா என்பவரிடம் இரண்டு லட்சத்து 50 ஆயிரம் ரூபாய் கடனாக வாங்கியுள்ளார். வாங்கிய கடனை கட்ட முடியாமல் ரகு தவித்துவந்ததாகக் கூறப்படுகிறது.
இதனிடையே, கேஷ்டிராஜா கடனைத் திருப்பிக் கேட்டு அடிக்கடி வீட்டிற்குச் சென்றுவந்துள்ளார். இந்த நிலையில், அவர் நேற்று (ஆகஸ்ட் 23) ரகுவிடம் மீண்டும் கடனைக் கேட்கச் சென்றுள்ளார். அப்போது இருவருக்கும் இடையே வாக்குவாதம் ஏற்பட்டுள்ளது.