ஈரோடு:பிரசித்தி பெற்ற பண்ணாரி அம்மன் கோயில் குண்டம் திருவிழா மார்ச் 11ஆம் தேதி (திங்கள்கிழமை) பூச்சாட்டுதலுடன் தொடங்கியது. அதனைத் தொடர்ந்து கோயிலில் இருந்து புறப்பட்ட பண்ணாரி அம்மன் உற்சவர் சிலை 50க்கும் மேற்பட்ட கிராமங்களில் வீதியுலா வந்து அருள்பாலித்து வருகிறது. கிராமத்துக்கு வரும் சப்பரம், உற்சவர் சிலைக்கு பூஜைகள் செய்து பக்தர்கள் மலர் தூவி வரவேற்றனர்.
திருவீதியுலா முடிந்து உத்தண்டியூர் கிராமத்துக்கு செல்வதற்கு, பவானி ஆற்றைக் கடந்து செல்ல அம்மன் சப்பரம் பரிசலில் ஏற்றப்பட்டது. பவானி ஆற்றைக் கடக்கும்போது சப்பரம் மூன்று முறை சுற்றி மறுகரைக்கு சென்றது. பக்தர்கள் அக்கரையில் நின்று ஆரவாரத்துடன், அம்மனை வழிபட்டனர்.
பண்ணாரி அம்மன் சப்பரம்