சென்னை: முன்னாள் போக்குவரத்துத் துறை அமைச்சர் எம்.ஆர்.விஜயபாஸ்கர், அவர் மனைவி விஜயலட்சுமி, அவரது சகோதரர் சேகர் ஆகியோர் மீது வருமானத்துக்கு அதிகமாக 55 விழுக்காடு சொத்துக்களை குவித்ததாக கரூர் லஞ்ச ஒழிப்புத்துறை காவல் துறையினர் முன்னதாக வழக்குப்பதிவு செய்தனர்.
இந்த வழக்கு தொடர்பாக கடந்த ஜூலை 22ஆம் தேதி எம்.ஆர் விஜயபாஸ்கருக்கு தொடர்புடைய 26 இடங்களில் சோதனை நடத்தி, 25 லட்சம் ரூபாய் பணம் உள்பட பல முக்கிய ஆவணங்களை லஞ்ச ஒழிப்புத்துறையினர் பறிமுதல் செய்தனர்.
இந்நிலையில் கைப்பற்றப்பட்ட ஆவணங்கள் தொடர்பாக விசாரணை நடத்த லஞ்ச ஒழிப்புத்துறை எம்.ஆர்.விஜயபாஸ்கருக்கு சம்மன் அனுப்பியதன் அடிப்படையில், நேற்று (அக்.25) சென்னை, ஆலந்தூரில் உள்ள ஊழல் தடுப்பு மற்றும் கண்காணிப்புத்துறை அலுவலகத்தில் ஆஜரானார். அவரிடம் கரூர் லஞ்ச ஒழிப்புத்துறை டிஎஸ்பி தலைமையிலான காவல் துறையினர் விசாரணை நடத்தினர்.