சென்னை: தங்கத்தின் விலையானது சர்வதேச பொருளாதாரச் சூழலின் மத்தியில், கமாடிட்டி மார்க்கெட்டைப் பொறுத்தே நிர்ணயம் செய்யப்படுகிறது. அது மட்டுமின்றி, சர்வதேச வங்கி, சர்வதேச அரசியல் சூழல், அமெரிக்க வங்கிகளின் வட்டி விகிதம், பொருளாதார மந்தம் என பல்வேறு காரணங்களை முன்வைத்துதான் தங்கத்தின் விலையில் தினமும் ஏற்றம், இறக்கம் காணப்பட்டு வருகிறது.
இந்த நிலையில் உலக நாடுகளிடையே உருவாகி வரும் போரின் எதிரொலி மற்றும் பொருளாதார மந்தம் காரணாமாக கடந்த சில நாட்களாகவே தங்கத்தின் விலையில் ஏற்றம் கண்டு வந்தது. தற்போது சர்வதேசச் சந்தையில் தங்கத்தின் விலை குறைந்தால் உள்நாட்டு பொருளாதாரச் சந்தையிலும் தங்கத்தின் விலை குறைய வாய்ப்புள்ளது.
அதன்படி, கடந்த சில நாட்களாக அதிரடியாக அதிகரித்து வந்த தங்கத்தின் விலை, தற்போது குறையத் துவங்கியுள்ளது. நேற்று சவரனுக்கு ரூ.320 குறைந்த நிலையில், இன்று சவரனுக்கு ரூ.1,160 குறைந்துள்ளது. இதனால் மக்கள் மகிழ்ச்சி வெள்ளத்தில் உள்ளனர்.
சென்னையில், இன்று (திங்கட்கிழமை) காலை நிலவரப்படி, 22 கேரட் ஆபரணத் தங்கத்தின் விலை கிராமுக்கு ரூ.145 குறைந்து ஒரு கிராம் தங்கம் ரூ.6 ஆயிரத்து 700க்கும், ஒரு சவரனுக்கு ரூ.1,160 குறைந்து, ஒரு சவரன் ரூ.53 ஆயிரத்து 600க்கும் விற்பனையாகிறது. மேலும், 24 கேரட் தங்கம் ஒரு சவரன் ரூ.58 ஆயிரத்து 520க்கு விற்பனையாகிறது. அதேபோல, வெள்ளி விலை கிராமுக்கு 2.50 காசுகள் குறைந்து, ரூ.86.50-க்கும், ஒரு கிலோ வெள்ளி கட்டி ரூ.86 ஆயிரத்து 500 ஆகவும் விற்பனை செய்யப்படுகிறது.
இன்றைய தங்கம் மற்றும் வெள்ளி விலை நிலவரம் (ஏப்ரல் 23):
- 1 கிராம் தங்கம் (22கேரட்) - ரூ.6,700
- 1 சவரன் தங்கம் (22கேரட்) - ரூ.53,600
- 1 கிராம் தங்கம் (24-கேரட்) - ரூ.7,310
- 1 சவரன் தங்கம் (24-கேரட்) - ரூ.58,480
- 1 கிராம் வெள்ளி - ரூ.86.50
- 1 கிலோ வெள்ளி - ரூ.86,500
இதையும் படிங்க: நடுவானில் மோதிய ஹெலிகாப்டர்கள்.. மலேசியாவில் 10 பேர் உயிரிழப்பு.. தீயாய் பரவும் வீடியோ! - Malaysia Helicopter Crash
