ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ପୌର ନିର୍ବାଚନରେ କଡାକଡି ଭାବେ କୋଭିଡ ମାର୍ଗଦର୍ଶିକା ପାଳନ କରିବା ପାଇଁ ପ୍ରଶାସନ ରାଜନୈତିକ ଦଳଗୁଡିକୁ ପରାମର୍ଶ ଦେଇଛି । ସମସ୍ତ ରାଜନୈତିକ ଦଳ ଗୁଡିକର ଜିଲ୍ଲା ସଭାପତି ମାନଙ୍କୁ ଭୋଟ ପ୍ରଚାର ସମୟରେ କୋଭିଡ ମାର୍ଗଦର୍ଶିକା ପାଳନ କରିବା ପାଇଁ କୁହାଯାଇଛି ।
ପ୍ରଚାର ବେଳେ କୋଭିଡ କଟକଣା ପାଳନ ପାଇଁ ଜିଲ୍ଲା ପ୍ରଶାସନର ପରାମର୍ଶ
ତେବେ ଆଗାମୀ 24 ତାରିଖରେ ଭୋଟ ଗ୍ରହଣ ହେବାକୁ ଥିବା ବେଳେ ଆସନ୍ତା 7 ତାରିଖ ଯାଏଁ ପ୍ରାର୍ଥୀପତ୍ର ଦାଖଲ ପାଇଁ ବିଜ୍ଞପ୍ତି ପ୍ରକାଶ ପାଇଛି । କିନ୍ତୁ ବର୍ତ୍ତମାନ ସୁଦ୍ଧା ଜଣେ ହେଲେ ବି ପ୍ରାର୍ଥୀ ପୌର ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ କରି ନ ଥିବା ବେଳେ ବିଭିନ୍ନ ରାଜନୈତିକ ଦଳ ଗୁଡିକ ଭୋଟ ପ୍ରଚାର ଆରମ୍ଭ କରି ଦେଇଛନ୍ତି ।