ଓଡ଼ିଶା ବିଦ୍ୟାଳୟରେ ତେଲୁଗୁ ନାମଫଳକ କୋରାପୁଟ: ସ୍ବାଧୀନତା ଦିବସ ପାଳନ ପୂର୍ବରୁ ଓଡ଼ିଶାର ବିଦ୍ୟାଳୟରେ ତେଲୁଗୁ ଭାଷାରେ ନାମଫଳକ ଲାଗିଥିବା ଦେଖିବାକୁ ମିଳିଛି । ଗତ ୧୨ ତାରିଖରେ ଧୂଳିପଦର ଗ୍ରାମରେ ଏକ ସିମେଣ୍ଟର ସ୍ଥାୟୀ ନାମଫଳକ ନିର୍ମାଣ କରି ଜଳ ଜଙ୍ଗଲ, ଜମି ସୁରକ୍ଷା ଓ ମନେରଗା କାର୍ଯ୍ୟ ସମ୍ପର୍କିତ ସୂଚନା ତେଲୁଗୁ ଭାଷାରେ ଲେଖି ସୀମାନ୍ତ ଗ୍ରାମବାସୀଙ୍କୁ ସଚେତନତା କରିଛି ଆନ୍ଧ୍ର । ହେଲେ ଏହି ଦୃଶ୍ୟ ଉପରେ ଓଡ଼ିଶାର ଜିଲ୍ଲା ପ୍ରଶାସନର ଦୃଷ୍ଟି ପଡ଼ିନାହିଁ । ଏହି ସୀମାନ୍ତ ଅଞ୍ଚଳକୁ ନିୟମିତ ବ୍ଲକ ପ୍ରଶାସନଠାରୁ ଆରମ୍ଭ କରି ଶିକ୍ଷକ ଶିକ୍ଷୟିତ୍ରୀ, ରାଜସ୍ବ ନିରୀକ୍ଷକଙ୍କ ସମେତ ସମସ୍ତ ଅଧିକାରୀ ଓ କର୍ମଚାରୀ ଗସ୍ତ କରୁଛନ୍ତି । ଏହାସହ ପଞ୍ଚାୟତରେ ପୋଲିସ ଥାଇ ମଧ୍ୟ କିପରି ତେଲୁଗୁ ଭାଷାରେ ଲିଖିତ ସ୍ଥାୟୀ ନାମଫଳକ ଉପରେ ଦୃଷ୍ଟି ପଡ଼ିନାହିଁ ତାହାକୁ ନେଇ ପ୍ରଶ୍ନ ଉଠିଛି ।
କିଛି ଦିନ ତଳେ କେନ୍ଦ୍ର ମନ୍ତ୍ରୀ କୋଟିଆ ଗସ୍ତ କରିଥିଲେ l କେନ୍ଦ୍ରମନ୍ତ୍ରୀଙ୍କ ଗସ୍ତ ପରେ ଆନ୍ଧ୍ର ପ୍ରଶାସନ କେନ୍ଦ୍ର ସହିତ ନିଜର ଫଳକ ମାରିବାକୁ ନେଇ କୋଟିଆବାସୀ ନିନ୍ଦା କରିଛନ୍ତି l ଗ୍ରାମର ଆରମ୍ଭରେ ସିମେଣ୍ଟ ଫଳକରେ ବଡ଼ବଡ଼ ଅକ୍ଷରରେ କେନ୍ଦ୍ର ଓ ଜଗନ ସରକାରଙ୍କ ଯୋଜନା ଲେଖାଯାଇଛି l କୋଟିଆକୁ ଆନ୍ଧ୍ର ପ୍ରଶାସନ ବାରମ୍ବାର ଅନୁପ୍ରବେଶ କରିବାକୁ ନେଇ ଓଡିଶା ତରଫରୁ ଘୋର ବିରୋଧ କରାଯାଉଛି l ତେବେ କୋଟିଆରେ ଆନ୍ଧ୍ର ପ୍ରଶାସନକୁ ବିରୋଧ କରାଯାଉଥିବାରୁ ଏବେ ଆନ୍ଧ୍ର କୋଟିଆରେ ଲୁଚି ଛପି ପ୍ରବେଶ କରୁଥିବା କୁହାଯାଉଛି l ସୀମାବର୍ତ୍ତୀ ଅଞ୍ଚଳବାସୀଙ୍କୁ ବିଭିନ୍ନ ସମୟରେ ପ୍ରଲୋଭିତ କରାଇ ଆନ୍ଧ୍ରରେ ମିଶାଇବା ପାଇଁ ବଡ଼ ଷଡଯନ୍ତ୍ର ଚାଲିଛି l
ଏହା ବି ପଢନ୍ତୁ...Kotia Dispute: ଆନ୍ତରିକତା ଅଭାବରୁ ତୁଟୁନି ସୀମା ବିବାଦ, ବିଜେଡି କହିଲା ଗୋଡାଇ ପିଟିବୁ
ଓଡ଼ିଶା ସରକାରଙ୍କ ଯୋଜନାକୁ ଷ୍ଟିକର ମାରି ଆନ୍ଧ୍ର ନିଜର ବୋଲି ଜାହିର କରୁଛି l ଏଥର କିନ୍ତୁ ଆନ୍ଧ୍ର ଆଉ ଏକ ନୂଆ ଚାଲ ଚଳାଇ କେନ୍ଦ୍ର ସରକାରଙ୍କ ସହିତ ନିଜ ଯୋଜନାକୁ ସାମିଲ କରି ଫଳକ ମାରିଥିବା ଦେଖିବାକୁ ମିଳିଛି l ତେବେ ତେଲୁଗୁ ଫଳକକୁ ନେଇ ଗ୍ରାମବାସୀ କିଛି ଜାଣି ନଥିବା କଥା କହିଛନ୍ତି l ଓଡ଼ିଶା ସୀମାରେ ଆନ୍ଧ୍ର ଫଳକ ଲାଗିଥିବାବେଳେ ସ୍ଥାନୀୟ ପ୍ରଶାସନ କି ଜିଲ୍ଲା ପ୍ରଶାସନ ନିରବ ରହିବା ଘଟଣାକୁ ନେଇ ସନ୍ଦେହ ସୃଷ୍ଟି ହେଉଛି l ଜିଲ୍ଲା ପ୍ରଶାସନ ଏଥିପ୍ରତି ଦୃଷ୍ଟି ଦେବା ସହିତ ମରାଯାଇଥିବା ଫଳକକୁ ଭାଙ୍ଗିବା ପାଇଁ ସାଧାରଣରେ ଦାବି କରାଯାଇଛି ।
ଭାରତବର୍ଷରେ ସର୍ବତ୍ର ରେଳ ଷ୍ଟେସନରେ ସ୍ଥାନୀୟ ଭାଷା ସହ ହିନ୍ଦୀ ଓ ଇଂରାଜୀରେ ବୋର୍ଡ ଦେଖିବାକୁ ମିଳେ । କିନ୍ତୁ ଏବେ ଓଡ଼ିଶା ଓ ଆନ୍ଧ୍ରପ୍ରଦେଶର ସୀମାନ୍ତରେ ଥିବା କୋରାପୁଟ ଜିଲ୍ଲାର କୋଟିଆ ପଞ୍ଚାୟତର ଗାଁଗୁଡିକରେ ଏବେ ଓଡ଼ିଆରେ ଗାଁର ନାମଫଳକ ସାଙ୍ଗକୁ ଦେଖିବାକୁ ମିଳୁଛି ତେଲୁଗୁରେ ଲେଖାଯାଇଥିବା ଫଳକ । ଫାଟୁସିନେରୀ ଓ ଅନ୍ୟାନ୍ୟ ଗାଁରେ କୋରାପୁଟ ଜିଲ୍ଲା ପ୍ରଶାସନ ତରଫରୁ ଗାଁର ନାମ ଲେଖାଥିବା ବୋର୍ଡ ଲଗାଯାଇଥିବାବେଳେ ଆନ୍ଧ୍ର ସରକାରଙ୍କ ଦ୍ଵାରା ସେହି ସବୁ ଗାଁରେ ତେଲୁଗୁ ଵୋର୍ଡ ଲଗାଯାଇଛି । ଗତ କିଛିଦିନ ପୂର୍ବେ ଆନ୍ଧ୍ରପ୍ରଦେଶର ଏକ ରାଜନୈତିକ ଦଳ ଜନସତ୍ତାର ରାଜ୍ୟ ଅଧ୍ୟକ୍ଷ କୋଟିଆରେ ଓଡ଼ିଆ ବୋର୍ଡ ଲାଗିଥିଲେ ବି ସେ ସ୍ଥାନରେ ତେଲୁଗୁ ବୋର୍ଡ ଲାଗିନଥିବା ଦେଖି ଆନ୍ଧ୍ର ସରକାରଙ୍କୁ ଭର୍ତ୍ସନା କରିଥିଲେ ।
ଇଟିଭି ଭାରତ, କୋରାପୁଟ
