କେନ୍ଦ୍ରାପଡା: ମନ୍ତ୍ରୀ ପ୍ରତାପ ଜେନାଙ୍କ ଗାଡିକୁ ଅଣ୍ଡାମାଡ । ରାସ୍ତାରେ ମମିତା ହତ୍ୟାକାଣ୍ଡ ତାତି । 5T ଯୋଜନାରେ କେନ୍ଦ୍ରାପଡ଼ା ଜିଲ୍ଲାରେ ବିଭିନ୍ନ ବିଦ୍ୟାଳୟ ଉଦଘାଟନ କାର୍ଯ୍ୟକ୍ରମରେ ଯୋଗ ଦେବାକୁ ଯିବାବେଳେ ମନ୍ତ୍ରୀ ପ୍ରତାପ ଜେନାଙ୍କ ଗାଡି ଉପରକୁ ଅଣ୍ଡାମାଡ଼ ଓ ମନ୍ତ୍ରୀଙ୍କୁ କଳାପତାକା ପ୍ରଦର୍ଶନ । ବିରୋଧୀ ଛାତ୍ର କଂଗ୍ରେସ ଓ ବିଜେପି ଯୁବ ଏବଂ ମହିଳା ମୋର୍ଚ୍ଚା ସଦସ୍ୟ ଜୋରଦାର ବିରୋଧ କରିଛନ୍ତି।
କେନ୍ଦ୍ରାପଡାରେ ପଞ୍ଚାୟତିରାଜ,ନଗର ଉନ୍ନୟନ,ଆଇନ ଓ ପାନୀୟ ଜଳଯୋଗାଣ ମନ୍ତ୍ରୀ ପ୍ରତାପ ଜେନାଙ୍କ କଡା ପୋଲିସ ପାଟ୍ରୋଲିଂ ଥିବା ସତ୍ତ୍ବେ ଗାଡି ଉପରକୁ ଅଣ୍ଡାମାଡ଼ ଓ ମନ୍ତ୍ରୀଙ୍କୁ କଳାପତାକା ପ୍ରଦର୍ଶନ କରାଯାଇଛି । ବିଜେପି ଯୁବ ଓ ମହିଳା ମୋର୍ଚ୍ଚା ସଦସ୍ୟ ସଦସ୍ୟା ସ୍ଥାନୀୟ ମାରୁତି ଛକ ଠାରେ ମନ୍ତ୍ରୀଙ୍କ ଗାଡି ଉପରକୁ ଅଣ୍ଡାମାଡ଼ କରିବା ସହ ପ୍ରତାପ ଜେନା ହାଏହାଏ ନାରା ଦେଇଥିଲେ। ସେହିପରି ଛାତ୍ର କଂଗ୍ରେସ ପକ୍ଷରୁ ଗରାପୁର ଠାରେ ମନ୍ତ୍ରୀଙ୍କୁ କଳାପତାକା ପ୍ରଦର୍ଶନ ସହ ପ୍ରତାପ ଜେନା ଗୋ ବ୍ୟାକ ନାରା ଦେଇଥିଲେ।